هلا مرحبا لين الحناجر يجيها خلاف | كلمات: فارس بن سلطان أداء : خالد ال بريك 🎙️

Описание: عسى الساري اللي ضوح برقة وهج كشاف
يعم الشمال من اوله لين اطاريفه

ليا دن رعده خوف اللي مهو بيخاف
وإلا هل وبله راحت القاسية ليفه

بكورً مامر بقو وقعه على الاسلاف
ينبيك عن سيله معاقب خواطيفه

ليامن خذا له شهر جاك النبات اصناف
يخفف على راع العلف من مصاريفه

لو الخصم من مال الموظف يروح اضعاف
مادور بديل ولاتكلف ب سكليفه

عساه يتمثنى مرتع الذود والمصياف
لو انها محل ب انظارنا تصبح مريفه

ديارً لربعي قبل عهد الشفر والهاف
قبل مايحط البيب ويعمّر طريفه

ياكم حايفً ردوه عن دارهم منحاف
وكم شيخً قومً حطوا بقلبه الخيفة

ولو تنشد الجربا بعد عزم المنكاف
وش اللي لقاه بطرقته مع معاريفه

ذكر لك جعيل وكلمةً جابت الاسراف
من اللي ربط فعل الكريم بتواصيفه

قبل لايجي بني المضايف لهم مضياف
شهد للجنيفا كل من قدّر الضيفة

يوّمي كرمهم للطراقي على المشراف
ليا طروا اسم حليس تشهد مواقيفه

على عرفهم بالنجم كم نجحوا عراف
حساب الخلاوي بالفلك صعب تحريفه

لو اجمع فعول عيال غانم يشيب القاف
يجف القلم من حاضر المجد وارشيفه

ولو كل مستشرق عجم سجل اللي شاف
مازود على الاجواد ضلمه وتحريفه

لكن ياحمول ثقال عودي حمول خفاف
بعد حكم عودً وحّد الصف في سيفه

عسى له بقبره من نعيم الجنان لحاف
رحل جيل واقبل جيل م احصوا معاريفه

لو ان الولا لملوكنا بالدعاء ينشاف
ماعينت من يفتح معانا سواليفه

ولو ان الغلا لديارنا بالعيون غلاف
لاذكر الحماد يحول الدمع من كيفه

ياجعل الفرح يلحق فرح والقلوب نظاف
وعسى حفل ابو عساف تخلف تكاليفه

ولد عود في سوق المراجل يسوق الاف
لو يخسر راس المال م الحق تحاسيفه

مدام انها في شوف غالي وجمع اولاف
عسى اللي يصر المال تكثر صواديفه

هلا مرحبا لين الحناجر يجيها خلاف
بكل ابلجً شوفه بهالحفل تشريفه

على العود الازرق قلطوا واشقرً لاطاف
يطير عماس الراس ويزيد تكييفه

ترا العمر لامنه خلا من وصال يعاف
وترا مكسب الانسان شوفة مواليفه


فارس بن سلطان

#خالد_ال_بريك
#فارس_سلطان #طرح_الحماد
#اكتوبر #نادي_الصقور_السعودي
#الشاعر_فارس_سلطان #هاشتاقات #مهرجان_طريف_للصقور
#وسم #الحدود_الشمالية #طريف #شاعر_ملهم #فرخ_شاهين #فهد_الشحم #الشمال #الجنوب #تيك_توك #اكسبلور #بني_غانم #طريف #عرعر #الشاعر_فارس_سلطان #عرعر
#اكسبلور #شاعر_المليون #شاعر_القمة #شاعر_الوطن #معلقة #شاعر_الراية