ضيعتي صنين، سعيد حليحل (سعيد اسبر)، حفلة خاصة حماه، تسجيل نادر

Описание: غناء سعيد حليحل (سعيد اسبر)
حفلة خاصة، حماه
(الصورة الأولى صنين/لبنان و باقي الصور محردة/حماه/سورية)

ضيعتي صنين واقفلا ناطور
يغني النسيم ان مر فوق جبالها
القمر مسحور حواليها بيدور.. و بيرشرش الفضات ع شلالها
و الشمس لم بتطل من خلف الصخور
عمروجها الخضرا بترخي حبالها
و بتترك قبل ما تغيب بخيال البحور.. خصاصيل شعر مدهبي عتلالها
ضيعتي بالكون مالهاش متيل... اللي عرفها مابيحب بدالها
صبحها بيطل بيوجو الجميل ... و بينشر النسمات ع سلسالها
و عالساقية الصفصاف يتدلل و يميل.. و يضمها و يغفى على موالها
و بعدها لليوم مقصد للعليل ... و بعدو الدوا طاقة هوا عرزالها
و بضيعتك أمك تفكر بالرجوع... قاعدي عالباب هي و خيالها
بتلتفت للبحر تتشوف القلوع... ماتشوف غير عصفور دوري قبالها
و قديش ندرتلك و ضوتلك شموع... سقف الكنيسة سود من هبالها
و سواد عينا بيض من هر الدموع... تغني فراقيات ع مغزالها
ياما نظمتلك أشعار
كانت روحي تناجيكي
ياضيعة نحنا و صغار... ياما لعبنا بواديكي
ماعاد يورد بنوار .. ينسى عطرو و يهديكي
و دهر الحط عليكي وجار ...ماعاد يذكر ماضيكي
ولادك هجو من القلي... ماعاد قدرو حملو الدين
تركوكي عهالتلي.... غصة قلب و دمعة عين
عصافيرك عمبتصلي... يفور البيدر بالغلي
و ترجع بالجرة تملي .. الحلوي من مزراب العين
هالضيعة التركتها الناس... يادنيي حاجي تجوري
دوقتيها مر الكاس .. يبستي ورد الجوري
مش باقي إلا شماس بكنيسة و نتفة خوري
و البعدو بيسمع قداس... من الطاقة عصفور دوري
وينك يا بيتي المهجور...يا بيت جدي و بيت بيي
مافي قرني بالمعمور متلك بتحن عليي
شبابيكك ربو المنتور.. بطواقك غنى العصفور
فيك عيوني شافو النور... فيك بغمض عينيي