Коронавирустан сақтану шаралары

Описание: 2019 жылдың аяғында Қытай елінде анықталған инфекциялық ауру Коронавирус Қазақстанға да жетіп отыр. Осыған байланысты елімізде Мемлекет басшысы Қасым-Жомарт Тоқаев бір ай мерзіміне Төтенше жағдай жариялады. Бұл тұрғыда арна тілшілері жұқпалы аурудың негізгі белгілері мен сақтану ережелерін жергілікті тауарлар мен қызметтердің сапасы мен қауіпсіздігін бақылау басқармасының басшысынан нақтылаған еді. Мамандардың ақпаратына сай, коронавирустың жиі кездесетін белгілері негізінен дене қызуы, әлсіздік және құрғақ жөтел.

Осылай деп мәлімдеген басқарма басшысы вирус 12 сағатқа дейін өз күшін жоғалтпай сыртқы ортада сақталатынын да алға тартуда. Осы уақыт аралығында короновирус бөлшектерінің өміршеңдігі сақталып, адамдарға жұғуы мүмкін. Сол себепті мамандар сақтық шараларын естен шығармауға шақырады.

Бүгінде жұқпалы дерт әлемнің басым бөлігінде таралып үлгерген. Бұл тұрғыда жергілікті басқарма өкілдері коронавирустық инфекциялар бойынша қолайсыз елдер тізімі бекітіліп, олар 1а, 1б және 2-ші категорияларға іріктелгендігін назарға салып өтті.

Мерзімнің 14 күн болып бекітілуі инкубациялық кезеңге байланысты, яғни аурудың жұққаны осы аралық ішінде анықталады. Алайда, бүгінгі таңда жергілікті жүйе мамандары Степногорск өңірінде коронавирус бойынша жағдай қалыпты екенін мәлімдеуде.