麥浚龍演唱會｜唔抗拒再唱《愛上殺手》 安排吳日言還原菇頭合唱嘆感覺夢幻

Описание: #am娛樂 #麥浚龍 #吳日言 #風林火山

麥浚龍(Juno)原定去年12月舉行《The Album: In the Name of a Father.》演唱會，因Juno患支氣管炎延期至昨晚(21日)在亞洲博覽館Arena舉行，Juno請來吳日言、邱彥筒(Marf)、江𤒹生(AK)、吳林峰、Novel Fergus、盧祝君(Lo/o) 站台以歌聲呈現《The Album》企劃多年來的故事。
完騷後，Juno於後台接受訪問，被問到完成是次演唱會的感覺，他表示：「暫時唔知道，未沉澱，因為啱啱落台冇耐，但好多謝所有參與，無論是音樂團隊，甚至乎所有嘉賓，因為我覺得呢次唔只係做一個演唱會咁簡單，因為佢背負咗一個長達三年嘅故事，所以今次我哋準備時間其實都長，同埋又有波折，本身呢個show係上年12月，嗰陣時我就唔舒服，所以就要延期到依家，所以要集合番晒咁多位嘉賓其實都唔容易。」今次出現不少全新合作單位出現，由Marf與AK合唱《（一個男人）一個女人和浴室》，Juno認為Marf風格好適合，而AK則演古天樂角色的年輕版，Juno指：「因為做show同拍電影又唔同，你好很難整個show都只係講故事，始終有很多歌曲牽涉，所以既有嘅片段裏面要演出到嗰個氣氛，其實一啲都唔容易，所嚟以呢次係分咗兩個部分，一個係影片裏面角色、一個就係舞台上嘅角色。」邀來移居英國的吳日言重踏舞台，他直認大家已多年沒有見面：「好多謝佢，好多年沒有見，其實上年跟佢聯絡去講呢個show，大家都好開心，但因為上年有啲唔舒服，所以就延遲咗，由佢返我哋一路綵排，感覺好夢幻，覺得時間過得很快，咁樣已經二十幾年。」為了呼應吳日言跟Juno當年在石板街拍攝的《耿耿於懷》MV，轉了長髮的吳日言特別戴上冬菇頭假髮站台，望可以勾起大家的回憶。論到回憶殺，不少樂迷及網民非常期待Juno再次在台上跳唱出道歌《愛上殺手》，他笑言：「總有機會，會唱嘅，我唔係介意唱，今次嘅主題因為太多歌，本身都有三十幾首歌，連《The Album》嘅歌都擺唔晒落去，以跳舞歌可能開一個獨立嘅show都唔錯。」Juno直認很想避開《我在切爾諾貝爾等你》這首歌，因為每次聽到都會想喊，他安排此曲放在整個演唱會最後，自爆未落台已經落淚，原來樂隊成員們也紛紛爆喊。Juno女友今日都有來捧場，被問是否好事近，他就指大家純粹「諗太多」。
完成今次演唱會，將會為執導電影《風林火山》全力造勢，對於作品早前在康城影展上的評價好壞參半，Juno認為電影作品是應該有兩種，甚至是多於兩種評價，他覺得暫時仍言之尚早，沒有再剪過的打算，因為原有彩蛋、既有細節、所有線索都已放在片中，對於金城武會否趁電影上映時配合宣傳，Juno就指要留待發行商方面處理。


►藝人專訪: 本地、海外藝人專訪，了解更多他們的一二事
   • 藝人專訪  

►即時娛樂大事 : 當日娛樂大事，追蹤明星最近消息
   • 即時娛樂大事  

►演唱會精華放送
   • 演唱會精華放送  

►訂閱am730: https://bit.ly/2qoVYEN
►訂閱am娛樂: https://bit.ly/3M5BXgs
►Website : https://www.am730.com.hk/
►FB:   / am730hk  
►IG:   / am730hk  

►這部影片中的音樂
bmgproductionmusic