წიგნის "ღმერთი, ბუნება, ადამიანი" წარდგენა

Описание: 🏠 14 ნოემბერს, 18:30 საათზე „კავკასიური სახლის“ იორგ ჰენლეს სახელობის აუდიტორიაში (მისამართი: გალაკტიონის ქ. N 20) გაიმართა ეკოთეოლოგიური წერილების კრებულის „ღმერთი, ბუნება, ადამიანი“ წარდგენა.

📖 წიგნის ანოტაციაში ვკითხულობთ:

🟢 „თანამედროვე კლიმატურ-ეკოლოგიური გამოწვევები აუცილებელს ხდის, გავიაზროთ ამ კრიზისის გამომწვევი ფუნდამენტური, მათ შორის კოსმოგონიურ-კრეაციონისტური, ცივილიზაციური და თეოლოგიური ასპექტები. ეკოლოგიური პრობლემების თეოლოგიური ხედვები და მათთან დაკავშირებული დისკუსიები სათავეს იღებს გასული საუკუნის 60-იანი წლების ბოლოდან, ამ კრიზისის მეცნიერული და საზოგადოებრივ-პოლიტიკური აქტუალობის საყოველთაოდ წარმოჩენის თითქმის თანადროულად.

🟢 წიგნში შესულია ცნობილ თეოლოგ ავტორთა, ისტორიკოსთა, მწერალთა, მეცნიერ-სწავლულთა და სასულიერო იერარქთა სტატიები, ესეები, წერილები, დეკლარაციები. მათში ასახულია მსოფლიოს სხვადასხვა რელიგიისა და დენომინაციის ხედვა-დამოკიდებულება მატერიალური სამყაროს, ბუნების გენეზისსა და გარემოსთან ადამიანის ურთიერთობის საკრალურ-ეთიკურ მნიშვნელობაზე.

🟢 კრებულის სტატიებში „მწვანე სათვალით“ არის წაკითხული წმინდა წერილი; ფართოდაა წარმოდგენილი ქრისტიან თეოლოგთა და იერარქთა ეკოთეოლოგიური ინტერპრეტაციები. ქრისტიანობასთან ერთად კრებული მოიცავს სხვა მსოფლიო რელიგიების: იუდაიზმის, ისლამის, ბუდიზმის, ინდუიზმის, კონფუციანიზმის, – შეხედულებებსა და დამოკიდებულებებს ბუნებრივ გარემოზე, დღევანდელ სოციალურ-ეკოლოგიურ პრობლემატიკაზე. წიგნში ცალკე ნაწილად არის გამოყოფილი ქართველ ავტორთა სოციალურ-კულტურულად და ეკოლოგიურ-თეოლოგიურად ურთიერთდაკავშირებულ თემატიკაზე შექმნილი შედარებით ძველი და ახალი ტექსტები“.

🤝 წიგნი გამოიცა ევროპული ფონდი "ჰორიზონტისა" და სასოფლო-სამეურნეო ტექნიკის მიმწოდებელი კომპანია შპს "აგროტექნოს" მხარდაჭერით.

კრებულის წარდგენაში მონაწილეობას მიიღებენ სხვადასხვა კონფესიის, სამეცნიერო წრეებისა და სამოქალაქო საზოგადოების, მწვანეთა მოძრაობის წარმომადგენლები.

➡️ გამოცემის რედაქტორ-შემდეგენელი გახლავთ დოქტორი დავით (მიქაელ) ადეიშვილი;
➡️ ერთ-ერთი შემდგენელი და გამომცემელი ლევან ლორთქიფანიძე;
➡️ პუბლიკაციისთვის წინასიტყვაობა საგანგებოდ მოამზადა მწერალმა ნაირა გელაშვილმა.

P.S. წიგნის წარდგენამდე შეგიძლიათ გაეცნოთ სხვადასხვა მასალას:
1. გამოცემის სარჩევი: https://bit.ly/GIGCONTENT
2. ნაირა გელაშვილის წინასიტყვაობა: https://bit.ly/NAIRASFOREWORD
3. დავით (მიქაელ) ადეიშვილი წიგნის ფესტივალზე: https://bit.ly/GIGBOOKFAIR

კულტურის კალენდარი
2024