Nəğməkar torpaq (1981)

Описание: 12+
İncəsənət ustalarının iştirakı ilə çəkilmiş film kino dili ilə Azərbaycanın rəngarəng və günəşli palitrasını tamaşaçılara təqdim edir. Filmdə muğam musiqisi, müasir estrada mahnıları və xalq melodiyaları əsasında yaradılmış caz kompozisiyaları səslənir.

Rejissor: Ruslan Şahmalıyev
Ssenari müəllifləri: Vaqif Səmədoğlu, Ruslan Şahmalıyev
Operator: Kənan Məmmədov
Rəssam: Fikrət Əhədov
Bəstəkar: Tofiq Quliyev

Rollarda: Zilli Namazov (neftçi), Vəliəhd Vəliyev (neftçi)
Filmi səsləndirən: Şahmar Ələkbərov (kadrarxası mətn)

Filmdə “Arşın mal alan” bədii filmindəki kadrlardan istifadə edilib.
Filmdə Müslüm Maqomayevin ifası Gülüstan sarayında, Aşıq Hüseyn Saraclının ifası təbiət qoynunda, Habil Əliyevin ifası Şirvanşahlar sarayında, Xuraman Qasımova Filarmoniyada, Fərhad Bədəlbəyli orqan musiqisi zalında, Akif İslamzadə televiziya studiyasında, Xeyransa Məmmədova botanika bağında, Polad Bülbüloğlunun ifası Serebrovski adına mədənlərdə, Qaya vokal-instrumental ansamblı şəhərin müxtəlif məkanlarında, Zeynəb Xanlarovanın muğam dəstgahı Şüvəlandakı gülçülük sovxozunda, Rəşid Behbudov xaricdəki qastrol səfərlərinin birində, Azərbaycan Dövlət Rəqs Ansamblı Qobustan Qoruğunda lentə alınıb.
Film Mərkəzi Televiziyanın sifarişi ilə çəkilib.
Film 1-ci kateqoriyaya layiq görülüb.

İstehsalçı: Azərbaycanfilm
Janr: film-konsert