Kavyanarthaki | Changampuzha Krishnapillai | Malayalam Poem | Changampuzhakkavithakal | AjithaSuresh

Описание: Poem: Kavyanarthaki ( കാവ്യനർത്തകി )
Author: Changampuzha Krishnapillai
Music & Rendered by : Ajitha Suresh

Orchestration : Vipin Manohar
Mix and Mastered by : A Adeline Simon Chittilappilly
Keyboard : Jayaraj Kothamangalam
Flute : Shaji. T. Harimurali

Video & Editing :Tonse Alex Kolenchery

******** Lyrics of this Poem as follows :- *************
**************കാവ്യനർത്തകി ****************

കനകച്ചിലങ്ക കിലുങ്ങിക്കിലുങ്ങി,
കാഞ്ചനകാഞ്ചി കുലുങ്ങിക്കുലുങ്ങി

കടമിഴിക്കോണുകളിൽ സ്വപ്നം മയങ്ങി,
കതിരുതിർപ്പൂപ്പുഞ്ചിരി ചെഞ്ചുണ്ടിൽത്തങ്ങി;

ഒഴുകുമുടയാടയിലൊളിയലകൾ ചിന്നി
അഴകൊരുടലാർന്നപോലങ്ങനെ മിന്നി;

മതിമോഹനശുഭനർത്തനമാടുന്നയി, മഹിതേ ,
മമ മുന്നിൽ നിന്നു നീ മലയാളകവിതേ!

ഒരുപകുതി പ്രജ്ഞയിൽ നിഴലും നിലാവും
ഒരു പകുതി പ്രജ്ഞയിൽ കരിപൂശിയ വാവും ,

ഇടചേർന്നെൻ ഹൃദയം പുതുപുളകങ്ങൾ ചൂടി
ചുടുനെടുവീർപ്പുകൾക്കിടയിലും കൂടി!

അതിധന്യകളുഡുകന്യകൾ മണിവീണകൾ മീട്ടി
അപ്സരരമണികൾ കൈമണികൾ കൊട്ടി !

വൃന്ദാവനമുരളീരവപശ്ചാത്തലമൊന്നിൽ
സ്പന്ദിക്കുമാ മധുരസ്വരവീചികൾ തന്നിൽ ,

താളം നിരനിരയായ് നുരയിട്ടിട്ടു തങ്ങി
താമരത്താരുകൾപോൽ തത്തീ ലയഭംഗി !

സതതസുഖസുലഭതതൻ നിറപറവച്ചു
ഋതുശോഭകൾ നിൻമുന്നിൽ താലം പിടിച്ചു .

തങ്കത്തരിവളയിളകി നിൻപിന്നിൽ തരളിതകൾ
സങ്കൽപസുഷമകൾ ചാമരം വീശി .

സുരഭിലമൃഗമദതിലകിത ഫാലം ,
സുമസമ സുലളിത മൃദുലകപോലം ,

നളിനദള മോഹന നയനവിലാസം ,
നവകുന്ദസുമസുന്ദര വരമന്ദഹാസം ,

ഘനനീല വിപിനസമാന സുകേശം ,
കുനുകുന്തളവലയാങ്കിത കർണ്ണാന്തികദേശം ,

മണികനക ഭൂഷിതലളിതഗളനാളം ...
മമമുന്നിലെന്തൊരു സൌന്ദര്യമേളം !

മുനിമാരും നുകരാത്ത സുഖചക്രവാളം
ഉണരുന്നു പുളകിതം മമ ജീവനാളം .

ഇടവിടാതടവികളും ഗുഹകളും ശ്രുതികൂട്ടിയ
ജടതൻ ജ്വരജൽപനമയമായ മായ

മറയുന്നു - വിരിയുന്നൂ മമ ജീവൻ തന്നിൽ ,
മലരുകൾ - മലയാളകവിതേ, നിൻമുന്നിൽ ,

നിർനിമേഷാക്ഷനായ് നിൽപതഹോ ഞാനിദം ;
നിൻ നർത്തനമെന്തത്ഭുത മന്ത്രവാദം !

കണ്ടു നിൻ കൺകോണുകളുലയവേ ,കരിവരി-
വണ്ടലയും ചെണ്ടുലയും വനികകൾ ഞാൻ

ലളിതേ ,നിൻ കൈവിരലുകളിളകവേ കണ്ടു ഞാൻ
കിളിപാറും മരതകമരനിരകൾ .

കനകോജ്ജ്വല ദീപശിഖാ രേഖാവലിയാലെ
കമനീയ കലാദേവത കണിവച്ചതുപോലെ ,

കവരുന്നു കവിതേ, തവനൃത്തരംഗം
കാപാലികനെങ്കിലും എന്നന്തരംഗം

തവചരണ ചലനകൃതരണിതരതരംഗണം
തന്നോരനുഭൂതിതൻ ലയനവിമാനം .

എന്നെ പലദിക്കിലുമെത്തിപ്പൂ- ഞാനൊരു
പൊന്നോണപ്പുലരിയായ് പരിലസിപ്പൂ !...

കരകമലദളയുഗള മൃദുമൃദുലചലനങ്ങൾ
കാണിച്ചസൂക്ഷ്മലോകാന്തരങ്ങൾ,

പലതും കടന്നുകടന്നു ഞാൻ പോയി
പരിധൃത പരിണതപരിവേഷനായി !

ജന്മം ഞാൻ കണ്ടു ഞാൻ നിർവൃതി കൊണ്ടു ;
ജന്മാന്തരങ്ങളിലെ സുകൃതാമൃതമുണ്ടു

ആയിരം സ്വർഗ്ഗങ്ങൾ സ്വപ്നവുമായെത്തി ;
മായികേ, നീ നിൻ നടനം നടത്തി

പുഞ്ചിരി പെയ്തുപെയ്താടു നീ, ലളിതേ ,
തുഞ്ചന്റെ തത്തയെ കൊഞ്ചിച്ച കവിതേ

അഞ്ചിക്കുഴഞ്ഞഴിഞ്ഞാടു ഗുണമിളിതേ ,
കുഞ്ചന്റെ തുള്ളലിൽ മണികൊട്ടിയ കവിതേ !

പലമാതിരി പലഭാഷകൾ പലഭൂഷകൾ കെട്ടി -
പ്പാടിയുമാടിയും പല ചേഷ്ടികൾ കാട്ടി ,

വിഭ്രമവിഷവിത്തു വിതയ്‌ക്കിലും ഹൃദി മേ
വിസ്മരിക്കില്ല ഞാൻ നിന്നെ സുരസുഷമേ !

തവതലമുടിയിൽനിന്നൊരു നാരുപോരും ,
തരികെ ,ന്നെത്തഴുകട്ടെ പെരുമയും പേരും !

പോവുന്നൊ നിൻ നൃത്തം നിർത്തി നീ, ദേവീ?-അയ്യോ,
പോവല്ലെ , പോവല്ലെ , പോവല്ലെ , ദേവീ-
,
Owner : Manorama Music
Published by The Malayala Manorama Company Private Limited
Website : http://www.manoramamusic.com
YouTube :    / manoramamusic  
Facebook :   / manorasongs  
Facebook :   / manoramamusic  
Twitter :   / manorama_music  
#changampuzha #changampuzhakrishnapilla #mkharidas #malayalampoem #lovesongs
#AjithaSuresh #malayalampoetry #kavithakal #poem #malayalakavithakal