Feres - Loop فارس

Описание: Track Produced / Written / Performed / recorded / composed / mixed / mastered by Feres
Production : 7assis
Connect With Feres : instagram.com/feresgr/
Connect With 7assis : instagram.com/7ass.is/

Lyrics :
لازم تهرب مالبشاعة متع المشهد you should heal
هاك تشوف الكل جواعة كلانا الfake هات الريل
عالم مودي ساعة بساعة ، حالات لازمها تحليل
و ما ترميليش الشماعة متاع هذاكا هو الجيل
قاعد ياكل كي البلاعة تغفل تتطايح تميل
تجري وحدك ماكش فاهم أحداث و تأويل
مالأول نحب نساهم حتى بكاس وسط النيل
توة وليت عايش واهم شنبدل في نهار و ليل
زعمة زوز حروف و غناية تولي vertueuse ville
أغزر في المراية الوهم من عينيك يسيل
يبعثوك لدار رعاية فيها كاسات و فينيل
هاني راسي راس دوايا و اللي بيه نولي عليل
قاعد ديما روحي نفكر اللي هذا كلو زايل
قاعد ديما روحي نفكر اللي كلو ولا سايل
قاعد ديما روحي نفكر اللي صوتي مخي شايل
لو كان تتعمى البصيرة ما تقراش حتى ببرايل

هاذي لوب مش حابة توفى في كل واحد فينا أكيد
تتفرق في عشريناتك بين أحلام أفكار و Need
و تجري تتقاسم في حياتك بينك و بين ال inner kid
و ال war
تحاول تهرب منها بعيد تلقاها ماشية و تزيد .. تحيي فيك عبد قديم تبني فيك عبد جديد ، حابة تاخذ منك قلبك و مخك تولي بقيد الأفكار

شوية مالإحساس شويّة مالأفكار
شويّة من أصوات اللي مازالت وسط الغار
شويّة من برشا تعداو وخلّاو الآثار
شوية موت و شوية حياة كي قطوس شرودينجر
شوية مالموجود كيما شوية مالنشود
شوية ماللي اختار يتبع زادة و اللي اختار يقود
شوية مالأحكام لي تسبق الكلام و تصنع حدود
هذاكا يظهر سارق أما يمكن روبن هود
شوية منّك أنت ، منّي أنا منّا الكل
شوية مالحب اللي تفرق و الكبت اللي ورّث غل
شويّة من تصديق تاريخ حكاه البطل
شويّة زادة مالتوقيت كيف تصدم و كيف تسل

شوية مالإنكار ياسر خاب ال déni
شوية من مفهوم الدار ماهوش حيط وتبني فيه
شويّة حب يكون أسوار و يحمي جيل و يبني بيه
شويّة يظهر الإنسان برشا ساكن فيه


هاذي لوب مش حابة توف في كل فينا أكيد
تتفرق في عشريناتك بين أحلام أفكار و نيد
و تجري تتقاسم في حياتك بينك انت و ال inner kid
و ال war
تحاول تهرب منها بعيد تلقاها ماشية و تزيد .. تحيي فيك عبد قديم تبني فيك عبد جديد ، حابة تاخذ منك قلبك و مخك تولي بقيد الأفكار