Tv Klan - Lirohen 400 milionë fuçi nafte nga rezervat

Описание: Agjencia Ndërkombëtare e Energjisë ka kërkuar lirimin më të madh të rezervave qeveritare të naftës në historinë e saj, në një përpjekje për të qetësuar tronditjen e çmimit të naftës të shkaktuar nga sulmet SHBA-Izrael ndaj Iranit.

Të 32 anëtarët e organit mbikëqyrës botëror të energjisë ranë dakord unanimisht për të liruar rreth 400 milionë fuçi naftë të papërpunuar për emergjenca, një e treta e rezervave totale qeveritare të grupit.

“Ky është një veprim i madh që synon të lehtësojë ndikimet e menjëhershme të çrregullimeve në tregje. Por, për të qenë të qartë, gjëja më e rëndësishme për një kthim në rrjedhat e qëndrueshme të naftës dhe gazit është rifillimi i tranzitit përmes Ngushticës së Hormuzit”, deklaroi Fatih Birol, drejtor i Agjencisë Ndërkombëtare të Energjisë.

Ndërkohë, dhjetë ditët e para të luftës i kanë kushtuar taksapaguesve evropianë rreth 3 miliardë euro shtesë vetëm për importet e lëndëve djegëse. Shifrat u bënë publike nga presidentja e Komisionit Evropian, e cila theksoi se varësia nga burimet e jashtme po rëndon ekonomitë e vendeve anëtare.

“Që nga fillimi i këtij konflikti, çmimet e gazit janë rritur me 50% dhe ato të naftës me 27 %. Nëse e përkthejmë këtë në euro, 10 ditë luftë u kanë kushtuar taksapaguesve evropianë 3 miliardë euro shtesë në importet e lëndëve djegëse fosile. Ky është çmimi i varësisë sonë”, pohoi Ursula Von der Leyen, presidente e Komisionit Evropian.

Përballë kësaj situate, Von der Leyen u kërkoi vendeve anëtare të mos dorëzohen përpara strategjisë afatgjatë për energjinë e rinovueshme.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/