ලොවෙත් නැති අමුතුම හැලප කඩේ

Описание: දවසකට කන්ද කොළයෙන් රුපියල් 40 000ක් සොයන හැලයාගේ කතාව!
ලොවෙත් නැති ලොවි ගහෙත් නැති අමුතුම වහරක ගල්බැම්ම හැළපයේ රහස සොයා ගිය ගමන අගනේ ය. පොල් කටුවක බෙලි මල්, කැන්ද කොළේ හැළප – රුවන්වැල්ල පාරේ වරුවක ගමනක් ගිය තැන හමු වු හැලපයාගේ කඩයේ කතාව සුන්දරය.
නිට්ටඹුව – රුවන්වැල්ල මාර්ගයේ, කිරිදිවැල පසුකර කිලෝමීටර් 7ක් පමණ ගමන් කළ විට, වහරක ප්‍රදේශයේ දිගට පැතිරී ඇති මහ වනය අසල පිහිටි “ගල්බැම්ම හැලප කඩේ” ලෙස ප්‍රසිද්ධ මෙම පොල්අතු කඩය ඔබට දැකගත හැකි ය. සත්තකින්ම සරල පෙනුමක් තිබුණද, හැලප රසයන් අතිශය විශේෂය.
මෙම කඩයේ විශේෂත්වය වන්නේ රසවත් හැළප සහ පොල් කටුවක පිළිගැන්වෙන උණුසුම් බෙලි මල් පානයයි. ගමනේ වෙහෙස නිවා ගැනීමට, හැළපයක් සමඟ බෙලි මල් කෝප්පයක් රසවිඳීම අමතක නොවන අත්දැකීමකි.
මෙහි හිමිකරු වන්නේ චතුර අබේසිරිවර්ධන (43) මහතාය. ඔහු පවසන්නේ,
“ගල්බැම්ම හැලප කඩේ කියන්නෙ රටම දන්න, ලෝකයම දන්න තැනක්. කඩේ ආරම්භ කරලා දැනට වසර 21ක් වෙනවා. පළමු දවසේ වික්කේ හැළප දෙකයි, බෙලි මල් කෝප්ප දෙකයි. අද දවසකට හැළප 1000 කට ආසන්නයි. බෙලි මල් කෝප්ප 1000 කට ආසන්නයි විකුණනවා.”
හැළපයක් රුපියල් 40ක් වන අතර, පොල් කටුවක බෙලි මල් කෝප්පයක්ද රුපියල් 40කි. අවශ්‍ය නම් රසවත් වඩේද ලබාගත හැකිය. මේ සියල්ල සෞඛ්‍ය ආරක්ෂිතව, වසවිස නොමැතිව, ගුණාත්මක අමුද්‍රව්‍ය යොදා සකස් කරනු ලබයි. කඩයේ නිෂ්පාදන සකස් කරන්නේ ඔහුගේ බිරිඳ වන අතර, චතුර අබේසිරිවර්ධන සහයෝගය දක්වන බව කීය.
හැළප යනු කුරක්කන් පිටි, සහල් පිටි, පැණි, එනසාල් සහ ගාන ලද පොල් මිශ්‍ර කර, කැන්ද කොළ මත තබා වාෂ්පයෙන් පිස සකස් කරන ලාංකික පැණිරස කෑමකි. කැන්ද කොළය ඉවත් කර ආහාරයට ගන්නා හැළපය, ලංකා තේ කෝප්පයක් හෝ බෙලි මල් සමඟ රසවිඳීම විශේෂ සම්ප්‍රදායකි.
මෙම වෙළෙද සැලේ “ මෙහෙම හැළප ලොවෙත් නෑ, ලොවි ගහෙතේ නෑ” යනුවෙන් ප්‍රදර්ශනය කර ඇති දැන්වීමක්ද දැකිය හැකිය.
තරුණ පෙන්වතුන් සිට වැඩිහිටි අය දක්වා විශාල පිරිසක්, විශේෂයෙන් ආදර ගමන් යන අය, මෙම ස්ථානයට පැමිණ හැළපයක සහ බෙලි මල් කෝප්පයක රස විඳිති.
ඔබත් නිට්ටඹුව,රුවන්වැල්ල පාරේ ගමන් කරන විට, වහරක අසල පිහිටි මෙම සරල නමුත් රසවත් “ගල්බැම්ම හැලප කඩේ” වෙත පැමිණ, පොල් කටුවක බෙලි මල් කෝප්පයක් සමඟ හැළපයක රසය අත්විඳින්නට හැකිය.
ඉතිං හෙලප (හලප, හැලප) ලාංකික පැණිරස කෑමක්. මෙහෙම හැළප ලොවෙත් නෑ ලොව් ගහෙතේ නෑ කියලා තමයි ලියලා තියෙන්නේ.
සේපාලිකා වීරකෝන් මිල්ලතේ කිරිදිවල කියලා රසම රස කියමනක් තියනවා. අහල ඇතිනේ ඒ් කතාව ඉතිං ආදර ගමනක් යන අයට මේ ආදර කතාව මතක් කරගෙන බෙලි මල් කෝප්පයක රසය සමඟ හැලපයක රසය විදින්ට කිසිවෙකුගේ තහනමක් නෑ.
මුදලාලි මහත්යා කියන්නේ වැඩියෙන්මෙ හැළප සමඟ බෙලි මල් සොයා කඩෙට ගාටන්නේ තරුණ පෙන්වතුන් ය කියල. වැඩිහිටි අය වගේ ම විශාල පිරිසක් මේ කඩයට පැමිණ වඩයක. හැලපයක බෙලි මල් පොල් කටුවක රසය විදිනව.
ගල්බැම්ම හැළප කඩේ කතාව සුන්දරය. ගමනේ වෙහෙස නිවන බෙලි මල් කෝප්පය සහ රසවත් හැළප ගුණදායකය.සරල පොල්අතු කඩයකින් ලෝකයට ගිය ලාංකික රස අපේ රටේ සමහර හැලපයන්ට නම් අගයක් නැත.අදරය කැන්දාගෙන යන කැන්ද කොළේ සුවඳට කැමති හැළප – වහරකින් උණුසුම් ආදරයක රස රහස ලංකාවේ අපේ ආහාර රසයයි.
කොයි හැටි වෙතත් “තරුණ හදවත් ආකර්ෂණය කරන බෙලි මල් හා හැළප රසය” මෙම සටහන කියවන ඔයාත් නිට්ටඹුව – රුවන්වැල්ල මාර්ගයේ, කිරිදිවැල, ගල්බැම්ම පොල් අතු කඩේ හැලපයා ඔබ පැමිණෙන තුරු බලා සිටියි.