QSUT, radhë të gjata për t’u operuar në spitalin e Kardiologjisë - (7 Tetor 2003)

Описание: Lajme Arkiva - TV Klan 2003

Në verë nuk planifikohen operacione nga temperatura e lartë, ndërsa tani që u freskua mungon aparatura e matjes së gazeve në gjak. Pacientët që vuajnë nga zemra kanë muaj që presin të operohen, por një datë e saktë nuk u është thënë. Hakiu është shtruar sot me urgjencë, por duhet të presë ca ditë, këtu urgjenca kuptohet pritje.

Hakiu:- “Më thonë, që ti je i shtruar me urgjencë dhe do të bëhesh operim sa më shpejtë, por ka mundësi që brenda dy-tre ditëve të bëhem operim, se sa zgjat kjo nuk e di”.

Pacienti:- “Unë kam tre javë këtu. Më thonë jo këtë të hënë, jo të hënën tjetër, jo të premten, jo të enjten, nuk e di, nuk i kuptojë. Unë vetëm harxhojë, unë vajta në Sarandë u vizitova, më tha doktori do shkosh urgjentisht në Tiranë, urgjent mora taksinë e pagova sa deshi taksia, erdha këtu kam tre javë, jo sot po nesër”.

Vonesa e gjetjes së materialeve mund t’u kushtojë jetë. Ka dhe nga ata që mjekët i kanë paralajmëruar, por s’kanë nga t’ia mbajnë. Sipas mjekëve, për kirurgjinë vaskulare, për sallën e operacionit është harxhuar tre milion dollarë, por shpesh anomalitë s’i përgjigjen këtij investimi. Operacionet në zemër nuk kryhen edhe për faktin se në verë është mjaft nxehtë, e në dimër ftohtë./tvklan.al

Gazetare – Holta Zhiti


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/