Katharagama Pada Yathra 2025 | පාද යාත්‍රාව | Sacred Pilgrimage to Kataragama | Part 01 | 4K

Описание: 🔸පාද යාත්‍රාව - Foot Pilgrimage 2025 | ඔකද සිට කතරගමට 👣 110KM

"හරෝ හරා"🔱⚜

"දින 4ක් සහා රාත්‍රීන් තුනකින් යන්න ආව ගමන ඉවර උනේ දින දෙක හමාරකින් කිලෝමීටර් 110ක්"🚫

මිනිස්සුන්ගේ ජීවිතවල එක් එක් ආශාවන් බලාපොරොත්තු තියෙනවා මේකත් ඒ වගේ විශේෂම බලාපොරොත්තුවක්. 2013/14 වගේ කාලේ දැක්කා ජාතික රූපවාහිනීයේ වැඩසටහනක ද්‍රවිඩ සැදැහැවතුන් නොයෙක් බාදක අභියෝග මැද යාපනයේ ඉදන් පා ගමනින් කතරගම වන්දනා කරන්න එනවා. ඒ වැඩසටහන කරපු කාලේ වැස්සට විල්ලු කළපු ඔක්කොම වතුරෙන් පිරුලා කරවටක් ගිලිලා තමයි මේ සුන්දර සංස්කෘතික යාත්‍රාව ඒ මිනිස්සු ආවේ.

ඒ මොහොතේ මට හිතුනා කවදා හෝ දවසක මේ ගමන මටත් යන්න තිබුණනම් කියලා. නොයෙක් හේතු එක්ක, මේකට ගැලපෙන කෙනෙක් නැතුව මේ වෙනකන්ම ඒ බලාපොරොත්තුව ඉටු කරගන්න මට බැරි උනා. නමුත් මේ වතාවේ දවස් දෙකක් ඇතුලත මන් තීරණය කලා මේ පාර යනවමයි කියලා. මාත් එක්ක රස්තියාදුවේ යන මිතුරන් කීප දෙනෙක්ට කතා කලත් ඒ අයගේ රැකියාවල ගැටළුත් එක්ක නිවාඩු ගන්න හැකියාවක් තිබුනේ නෑ සහ මුල් දවසෙම මේ ගමන යන්න පුළුවන් කමක් තිබුනේ නෑ.

ඒත් මගේ තීරණය වෙනස් කරන්න මට පුළුවන් කමක් නෑ මොකද මේ අවස්ථාව නොලැබුනොත් ඒ වගේ අවස්ථාවක් ආයේ කවදා එවිද පුළුවන් වෙවිද කකුල් හයිය තියෙයිද කියන්න අපි කවුරුත් දන්නෑ.

වාසනාවකට වගේ සති ගානකට කලින් ආසන සියල්ලම වෙන්වෙලා තිබුන කොළඹ පානම බස් එකෙත් ආසනයක් එදිනම වෙන්කරගෙන යන්න මට පුළුවන් උනා. බස් එකේ ඔක්කොම වගේ මේ සංස්කෘතික යාත්‍රාව යන්න පැමිනි සංචාරකයන්. ඒ අතරින් කෙනෙක් එයාලා දෙන්නත් එක්ක එකතු වෙන්න ආරාධනා කලා. ආරාධනාව පිළිගෙන ගමන පටන් ගත්තෙ ඔකද දේවාලය අසලින් උදේ 6ට. කියන්න බැරි උනා කොහෙ ගියත් කන්න පින තියෙන මට එදා උදේටත් අහම්බෙන් වගේ මගේ වචනයෙන් කීවොත් සුපිරි ගනයේ දන්සැලක් හම්බුනා. ඒකේ රසට වචන නෑ.

අවශ්‍ය කරන කෑම, තව බඩු කිහිපයක් ඔකදින් අරගෙන ගමන පිටත් උනා. මේ ගමන පටන් ගන්නෙ ඔකද තියෙන කුමන ජාතික වනෝද්‍යානයයේ පිවිසුමෙන්. පිවිසුමේදි යන හැමෝවම ලියාපදිංචි කිරීමක් සහ ගණනය කිරීමක් සිදු වෙනවා. ඇතුල් වෙද්දිම කිරිබත් දන්සැලක්.

ද්‍රවිඩ වන්දනා කරුවන් සමග අපි තුන් දෙනා අපේ කුළුදුල් පාද යාත්‍රාව පටන් ගත්තා. ගමනේ විස්තර මගේ Youtube වීඩියෝ එකෙන් බලන්න පුළුවන්. "රස්තියාදු චාරිකාව"

මේ ගමනේ හමුවන පළවෙනි නවාතැන්පල වන භාගුරේ කලපුවේ මද වෙලාවක් විවේක අරගෙන ගමන් පටන් ගන්නකොට මාත් එක්ක ආව අයියලා දෙන්නව මට මගහැරෙනවා. ඔන්න ඔතන ඉදන් තමා මගේ සෝලෝ පාද යාත්‍රාව පටන් ගන්නෙ. එන්න එන්නම අවුව සැර වැඩි වෙනවා. වන්දනා කරුවන් ප්‍රමාණයත් බොහෝ සෙයින් අඩුයි මේ වෙද්දි මොකද ද්‍රවිඩ ජනතාව භාගුරේ නවතිනවා. මොකද ඔවුන් ලොකු දුරක් ගෙවාගෙන එන නිසා වෙහෙස වැඩී.

කලපු ලදු කැලෑ පලු වීර යායක් මැදින් ස්තාන දෙකක පමණ නැවතිලා මන් එනවා කුමන කුරුළු නැරඹුම් කුළුන ලගට. මෙතනින් මට හම්බෙනවා මගේ මුහුණුපොතේ මිතුරෙක් වුනු මලීශ මල්ලි සහ යාළුවෝ තුන්දෙනා. ගමන හාත්පසින් වෙනස් වෙනවා. දවස් 4ක් සහ රාත්‍රීන් තුනකින් ගමන අවසන් කරන්න ආව මම ඔවුන් එක්ක එකතුවෙලා සම්පූර්ණයෙන් වෙනස් කරනවා. එයාලා දවස් 3ක් රාත්‍රීන් 2ක් ඇතුලත් මේ සම්පූර්ණ ගමන නිමා කරන්න සැලසුම් කරගෙන ඇවිත් තිබුනේ කලින් අත්දැකීම් නිසා.

කුඩා කැබිලිත්ත නවාතැන්පලට ආව අපි එතනින් දෙන එනසාල් කිරි එකෙන් දෙකක්ම බීලා කුඹුක්කන් ඔය තරුණය කරන්න හැදුවත් ගගේ වතුර හොදටම වැඩි නිසා තවත් ටිකක් දුරක් එහා තියෙන කොටසකින් කඹයක් ආදාරයෙන් ඔය තරණය කරලා ගන් ඉවුරේ අපේ පලවෙනි රාත්‍රීය ගත කරන්න තීරණය කරනවා. මේ වෙද්දිත් වෙලාව උදේ 11යි විනාඩි කිහිපයක් උනත් ඊලග නවාතැන්පල ලොකු දුරකින් තියෙන නිසා.

පාන් හෝ නූඩ්ල්ස් කන්න හිතන් ආව මම මලීශ මල්ලි හදපු රසවත් පරිප්පු, සොයා සහ ශශී ගෙදරින් මට හදලා දුන්න චිලි පේස්ට් එකත් එක්ක රසම රස රාත්‍රී කෑමක් කාලා ගන් ඉවුරේ ආගිය තොරතුරු කතා කරලා ඊලඟ දවස් වලට සැලසුම් හදලා නින්දට ගියේ පහුවදා උදේ 5 වෙද්දි පිටත් වෙන්න බලාගෙන.

ඉතිරි කොටස පසුවට දාන්නම්.

සැලකිලිමත් වෙන්න ඕනේ ප්‍රධාන දේවල් තමයි,
1. අවශ්‍ය ප්‍රමාණයට විතරක් ඇදුම්,
2. දවස් ගානට අමතරව තවත් වේලක් හෝ දෙකක් සදහා කෑම( දින ගනන අඩු වැඩි වෙන්න පුළුවන්)
3. යන පිරිසේ සෞඛ්‍ය තත්වය
4. ආරක්ෂාව(අලි,කොටි,වලසුන්,කුළු මීමන්,වල් ඌරන්ගේ රජදහනක් මැදින්)
5. නවාතැන්පොළවල් අතර දුර
6. හැකිනම් සපත්තු දාගෙන එන්න.

"මේ පා ගමනේ මුල්ම දිනයේදිත් වන අලි ප්‍රහාරයක් එල්ලවූ බව තරයේ මතක තබාගන්න."

"හරෝ හරා සාමී හරෝ හරා" 🙏👣

Camera - Gopro Hero 13 With Media Mod, Iphone 15 pro max
Edit - Adobe Premiere Pro

#padayathra #kumana #padayathra 2025