台語冷智識 - 『總統好』，我欲食排骨飯！台語變調的原則

Описание: 接續了上一集介紹『台語七聲八調』，本集跟大家介紹了台語的『變調原則』。
許多『聲調語言』，都有自己的『變調』規則，若拿我們最熟悉的『華語』跟『台語』做比較，台語的變調規則真的是複雜好幾倍，這也是許多人常常聽別人說還ok，自己講卻怎麼講都怪怪的主要原因。
台語『變調』大致的原則就是後面有字時，前面的字就要『變調』，所以一句話裡面常常『變調』比『本調』還多，變調的方式則是遵照『573217四高八低』的方式，當然因為節目時間有限，我們只能先把基本的原則快速地介紹給大家知道，實際使用的時候，還有詞性、語氣、常用度...等等因素要考慮，這部分也希望能在未來的影片中跟大家分享。
所以歡迎大家持續鎖定收看，也要記得訂閱頻道與多多分享哦！

FB粉絲專頁
  / taigiaian  


本影片字幕以中文呈現
附上台文字幕（漢羅合用），iā（也）請列位前輩多多指教

---------------------------------------------------------

逐家好，我是台語youtuber Ａ-ian，歡迎收看〈台語冷智識〉節目，開始進前，提醒逐家，今仔日欲討論的內容，包括基本的台語聲調，所以若對台語聲調猶無熟手的朋友，愛會記得先轉去看咱進前的影片，了解「台語的七聲八調」--喔，進入主題，今仔日的題目是

『總統好』，我欲食排骨飯！台語變調的原則

較頇顢講台語的人一定定定（tiānn-tiānn）攏有一个疑問，明明是仝款的字詞，別人講起來攏順順順，家己生活拄--著欲提來用，敢若嘛無講毋著，哪會聽起來就是怪怪khê-khê？以我個人的觀察，khê-khê的原因定定攏是「變調」變毋著去，若按呢啥物是「變調」--咧？

聲調語言常常攏有家己的「變調」規則，以華語的變調規則來講，若華語三聲的字連續出現，頭前的字就愛變做第二聲，所以逐家若看著總統，會做伙喊
『總統好！總統好！』
若袂曉變調，會唸做
『總統好！總統好！』
是毋是就敢若足歹念，而且聽起來嘛怪怪。

Suà--落-來閣講咱台語，台語變調的規則比華語複雜幾若倍，舉一例，你去買便當的時陣，若逐字攏讀『本調』，共頭家講

「我欲食焢肉飯 / Guá# beh# tsia̍h# pâi# kut# pn̄g#」

eh…按呢應該是真oh食著這碗炕肉飯，按照台語的變調規則，咱愛共頭前這幾字攏變調，變做「我欲食排骨飯」，按呢頭家才聽有，
所以咱今仔日欲和逐家分享的就是，台語變調的規則


講『變調』進前，咱先介紹一个有關台語七聲八調的口訣，建議逐家會使先記--起-來，後擺定定會用--著，這個口訣就是：

「衫短褲闊人矮鼻直」

這幾字拄好對應台語的聲調，後擺若聽著任何字詞，攏會使提口訣內底的字來kap伊做比較，按呢就會使知影聽著的這字，到底是佗一个聲調--囉，譬如講你若聽著「肉」這字，你就會使提
「衫」kap「肉」來比，抑是提「短」kap「肉」來比，
「褲」kap「肉」來比，「闊」kap「肉」來比，
比無一liàn你就會發覺「肉」這字kap「闊」的聲調相siâng，所以是第四調。

閣來，進入主題，台語變調的規則誠複雜，不過咱會使先了解一般字詞變調的大原則，就是後壁有字，頭前就愛變調，變調的方法嘛愛另外記。

本調第一聲--的，會變第七聲，第七聲變第三聲，第三聲變第二聲，第二聲變第一聲，第五聲較特殊，南部腔會變第七聲，中北部腔一般會變做第三聲，另外閣有兩个短音，第四聲變調會變懸，第八聲會變kē，咱簡單舉幾个例來說明：

像「衫」這字是第一聲，若後壁閣加一字，就會變調作第七聲 「sānn#」，所以「衫」，就會變調做「衫」櫥，「衫」弓仔。

閣來「飯」這字是第七聲，變調愛變做第三聲「pǹg#」，所以「飯」，後壁加字，就會變做「飯」桶，「飯」丸。

啊若「褲」這字是第三聲，變調愛變做第二聲「khóo#」，所以「褲」，後壁閣加字，就會變做「褲」帶，「褲」底破一孔

「媠」這字是第二聲，變調愛變做第一聲「sui#」，所以「媠」，後壁加字，就會變做「媠」氣，「媠」姑娘，「媠」人無「媠」命。

第五聲佇台灣南北會有無仝款的變調，較麻煩--一-寡，南部會變做第七聲，中北部通常會變做第三聲，所以若以「台」這字來講，南部會變做「tāi#」，北部會變做「tài#」，親像「台」北、「台」中、「台」南…等等。

上尾短音的部分，「肉」這字是第四聲，變調會變懸，所以愛講做「肉」砧，「肉」燥。

「熱」這字是第八聲，變調會變kē，所以會變做「熱」天，「熱」死人，「熱」甲反過。

以上就是台語變調的基本原則，會記得家己講看覓--喔，當然猶閣有足濟特殊的變化kap趣味的物件袂赴介紹，若有興趣請固定收看咱的影片，而且會記得tàu jī讚tàu分享，繼續支持〈台語冷智識〉喔 ，這个節目是由我A-ian本人製作，咱後回才閣見面，Ｂyebye

製作人：
A-ian
口白：
A-ian
音效：
A-ian
背景音樂：
A-ian
影像編輯：
A-ian
特別感謝：
李江却台語文教基金會
陳豐惠 老師