លោកស្រីនាយករដ្ឋមន្ត្រីថៃ Paethongtarn ត្រូវមួយមីក្រូហ្វូនរបស់អ្នកកាសែត ចំក្បាល

Описание: លោកស្រីនាយករដ្ឋមន្ត្រីថៃ Paethongtarn ត្រូវមួយមីក្រូហ្វូនរបស់អ្នកកាសែត ចំក្បាល

ថៃ៖ លោកស្រីនាយករដ្ឋមន្ត្រីថៃ Paethongtarn Shinawatra បានស្រែកថា «អ៊ូយ» បន្ទាប់ពីក្បាលរបស់លោកស្រី ត្រូវមួយក្បាលមីក្រូហ្វូនរបស់អ្នកកាសែតមួយរូប ខណៈពេលដែលលោកស្រីចុះទៅសួរសុខទុក្ខ និងលើកទឹកចិត្តដល់កងទ័ពដែលកំពុងឈរជើងនៅក្នុងខេត្ត Ubon Ratchathani ជាប់ព្រំដែនកម្ពុជា។ ទោះជាយ៉ាងណាលោកស្រីបែរទៅញញឹមប្រាប់អ្នកសារព័ត៌មានវិញថា «មិនអីទេ»។

ក្រុមអ្នកយកព័ត៌មានបានរាយការណ៍ថា ខណៈលោកស្រី នាយករដ្ឋមន្ត្រី Paethongtarn កំពុងបំពេញទស្សនកិច្ចនៅរដ្ឋបាលឃុំ Dom Pradit ស្រុក Nam Yuen ខេត្ត Ubon Ratchathani មានអ្នកភូមិជាច្រើននាក់មកជូនផ្កាលោកស្រី។

អំឡុងពេលនោះ អ្នកយកព័ត៌មានបានព្យាយាមសួរសំណួរលោកស្រី មុនពេលមានមីក្រូហ្វូនរបស់អ្នកយកព័ត៌មានមកពីប៉ុស្តិ៍មួយបានបុកក្បាលលោកស្រី ព្រោះវាមានភាពច្របូកច្របល់ ធ្វើឲ្យលោកស្រីនាយករដ្ឋមន្រ្ដីលាន់មាត់ថា «អ៊ូយ! អ្នកវាយខ្ញុំចំក្បាលតែម្តង»។

បន្ទាប់មកលោកស្រីក៏ងាកមកញញឹម ហើយគ្រវីដៃដាក់ក្រុមអ្នកយកព័ត៌មានដោយនិយាយថា មិនអីទេ! មិនអីទេ! នៅមុនពេលលោកស្រីនឹងដើរឡើងលើរថយន្តទៅសួរសុខទុក្ខកងទ័ពនៅមូលដ្ឋាន ក្នុងតំបន់ចុងបូព៌ា ជាមួយ ឧត្តមសេនីយ៍ឯក ប៊ុន ស៊ិន ផាត់ឃ្លាំង មេបញ្ជាការយោធភូមិភាគទី២៕ ប្រភព thairath

លោក​អ្នក​​អាច​ទស្សនា​នូវ​វីដេអូ​ព័ត៌មាននៅ​លើ​ឆាណែលយូ​ធូប​ ENN NEWS តាមរយៈតំណភ្ជាប់​ខាងក្រោម
ចុចទីនេះដើម្បីទទួលបានព័ត៌មានច្បាស់ រហ័ស និងទាន់ហេតុការណ៍ 👉
Facebook :   / ennasianews  
YouTube :    / @ennnewsasia  .
TikTok : https://www.tiktok.com/@ennmedia?lang=en
Telegram : https://t.me/ennmedia

#enn #ennnews #ennmedia