ವಂದೇ ಮಾತರಂ

Описание: 150 ವರ್ಷ ತುಂಬಿದ ಹಿನ್ನೆಲೆಯಲ್ಲಿ ವಂದೇ ಮಾತರಂ ಗೀತೆಗೆ ರಾಷ್ಟ್ರಗೀತೆ ಗೌರವವನ್ನು ಕೇಂದ್ರ ಸರ್ಕಾರ ಒದಗಿಸಿದೆ. ಸರ್ಕಾರಿ ಶಾಲೆ, ಸರ್ಕಾರಿ ಕಾರ್ಯಕ್ರಮಗಳಲ್ಲಿ ಹಾಡುವುದನ್ನು ಕಡ್ಡಾಯಗೊಳಿಸಿ ಆದೇಶಿಸಿದೆ.

"ವಂದೇ ಮಾತರಂ'ನ ಎಲ್ಲ 6 ಚರಣ ಹಾಡುವುದನ್ನು ಕಡ್ಡಾಯ ಮಾಡಲಾಗಿದೆ. ರಾಷ್ಟ್ರ ಗೀತೆ "ಜನ ಗಣ ಮನ', ರಾಷ್ಟ್ರೀಯ ಗೀತೆ "ವಂದೇ ಮಾತರಂ' ಎರಡೂ ಹಾಡುವ ಅವಕಾಶವಿದ್ದಾಗ, ಕಡ್ಡಾಯವಾಗಿ "ವಂದೇ ಮಾತರಂ' ಗೀತೆಯನ್ನು ಮೊದಲಿಗೆ ಹಾಡ ಬೇಕು ಎಂದು ತಿಳಿಸಲಾಗಿದೆ.

6 ಚರಣಗಳನ್ನೂ ಹೊಂದಿರುವ ವಂದೇ ಮಾತರಂ ಹಾಡಲು 3.10 ನಿಮಿಷ ನಿಗದಿಪಡಿಸಲಾಗಿದೆ. ರಾಷ್ಟ್ರಪತಿಗಳ ಆಗಮನ, ತ್ರಿವರ್ಣ ಧ್ವಜಾರೋಹರಣ, ರಾಜ್ಯಪಾಲರ ಭಾಷಣದಂಥ ಅಧಿಕೃತ ಕಾರ್ಯಕ್ರಮಗಳಲ್ಲಿ ರಾಷ್ಟ್ರಗೀತೆಗಿಂತ ಮುಂಚೆ ರಾಷ್ಟ್ರೀಯ ಗೀತೆ ಹಾಡುವುದು ಕಡ್ಡಾಯಗೊಳಿಸಲಾಗಿದೆ.

ಥಿಯೇಟರ್‌ನಲ್ಲಿ ಸಭಿಕರು ಎದ್ದು ನಿಲ್ಲಬೇಕಿಲ್ಲ
ವಿಧಾನಸಭೆಯಲ್ಲಿ ರಾಷ್ಟ್ರೀಯ ಗೀತೆ ಹಾಡುವಾಗ ಅಥವಾ ನುಡಿಸಿದಾಗ ಎದ್ದು ನಿಂತು ಗೌರವ ಕೊಡುವುದು ಕಡ್ಡಾಯವಾಗಿದೆ. ಆದರೆ, ನ್ಯೂಸ್‌ ರೀಲ್‌ ಅಥವಾ ಸಾಕ್ಷ್ಯ ಚಿತ್ರದ ಪ್ರದರ್ಶನದ ಸಂದರ್ಭದಲ್ಲಿ ರಾಷ್ಟ್ರೀಯ ಗೀತೆಯನ್ನು ಚಿತ್ರದ ಒಂದು ಭಾಗವಾಗಿ ಪ್ರಸಾರ ಮಾಡಿದಾಗ ಪ್ರೇಕ್ಷಕರು ಎದ್ದು ನಿಲ್ಲಬೇಕಿಲ್ಲ. ಇಂಥ ಸಂದರ್ಭದಲ್ಲಿ ಎದ್ದು ನಿಲ್ಲುವುದನ್ನು ಕಡ್ಡಾಯ ಮಾಡಿದರೆ ಪ್ರದ ರ್ಶನಕ್ಕೆ ಅಡ್ಡಿಯಾಗುವುದಲ್ಲದೇ, ರಾಷ್ಟ್ರೀಯ ಗೀತೆಯ ಘನತೆ ಹೆಚ್ಚಿಸುವ ಬದಲು ಅವ್ಯವಸ್ಥೆಗೆ ಕಾರಣವಾಗಲಿದೆ ಎಂದು ತಿಳಿಸಲಾಗಿದೆ.

ರಾಷ್ಟ್ರೀಯ ಗೀತೆಯೊಂದಿಗೆ ಶಾಲೆ ಶುರು
ರಾಷ್ಟ್ರೀಯ ಗೀತೆ ವಂದೇ ಮಾತರಂ ಮೂಲಕವೇ ಶಾಲೆಗಳನ್ನು ಶುರು ಮಾಡಲು ಸೂಚಿಸಲಾಗಿದೆ. ಶಾಲಾ ಅಧಿಕಾರಿಗಳ ತಮ್ಮ ಕಾರ್ಯಕ್ರಮಗಳಲ್ಲಿ ರಾಷ್ಟ್ರಗೀತೆ ಮತ್ತು ರಾಷ್ಟ್ರೀಯ ಗೀತೆ ಹಾಡುವುದನ್ನು ಜನಪ್ರಿಯಗೊಳಿಸಲು ಮತ್ತು ವಿದ್ಯಾರ್ಥಿಗಳಲ್ಲಿ ರಾಷ್ಟ್ರಧ್ವಜದ ಗೌರವ ಉತ್ತೇಜಿಸಲು ಸಾಕಷ್ಟು ಅವಕಾಶ ಕಲ್ಪಿಸಬೇಕು ಎಂದು ಆದೇಶದಲ್ಲಿ ತಿಳಿಸಿದೆ. ರಾಷ್ಟ್ರೀಯ ಧ್ವಜಾರೋಹಣ, ಸಾಂಸ್ಕೃತಿಕ ಕಾರ್ಯಕ್ರಮಗಳು, ಯಾವುದೇ ಸರ್ಕಾರಿ ಅಥವಾ ಸಾರ್ವಜನಿಕ ಕಾರ್ಯ ಕ್ರಮ ಗಳಲ್ಲಿ ರಾಷ್ಟ್ರಪತಿಗಳ ಆಗಮನ ವೇಳೆ ಸರ್ಕಾರ ಸೂಚಿಸಿದ ಅಧಿಕೃತ ವಂದೇ ಮಾತರಂ ಗೀತೆಯನ್ನು ಸಾಮೂಹಿಕವಾಗಿ ಹಾಡಬಹುದು ಎಂದು ತಿಳಿಸಲಾಗಿದೆ. ಆದಾಗ್ಯೂ, ಅಂಥ ಸಂದರ್ಭಗಳ ಸಮಗ್ರ ಪಟ್ಟಿಯನ್ನು ನೀಡಲು ಸಾಧ್ಯವಿಲ್ಲ ಎಂದು ತಿಳಿಸಿದೆ. ಆದರೂ, ಘನತೆಗೆ ಚ್ಯುತಿ ಬಾರದಂತೆ ಹಾಡಲು ಅವಕಾಶವಿದ್ದರೆ ಹಾಡಲು ಅಡ್ಡಿ ಇಲ್ಲ.

ವಂದೇ ಮಾತರಂ (ಪೂರ್ಣ ಗೀತೆ)
ಸುಜಲಾಂ ಸುಫಲಾಂ ಮಲಯಜ ಶೀತಲಾಂ,
ಸಸ್ಯ ಶ್ಯಾಮಲಾಂ ಮಾತರಂ
||ವಂದೇ ಮಾತರಂ||

ಶುಭ್ರ ಜ್ಯೋತ್ಸ್ನಾ ಪುಲಕಿತ ಯಾಮಿನೀಂ,
ಫುಲ್ಲ ಕುಸುಮಿತ ದ್ರುಮದಲ ಶೋಭಿನೀಂ,
ಸುಹಾಸಿನೀಂ ಸುಮಧುರ ಭಾಷಿಣೀಂ,
ಸುಖದಾಂ ವರದಾಂ ಮಾತರಂ
||ವಂದೇ ಮಾತರಂ||

ಕೋಟಿ ಕೋಟಿ ಕಂಠ ಕಲಕಲ ನಿನಾದ ಕರಾಲೇ,
ಕೋಟಿ ಕೋಟಿ ಭುಜೈರ್ಧೃತ ಖರಖರವಾಲೇ,
ಅಬಲಾ ಕೆನೊ ಮಾ ಎತೊ ಬಲೇ,
ಬಹುಬಲ ಧಾರಿಣೀಂ ನಮಾಮಿ ತಾರಿಣೀಂ,
ರಿಪುದಲ ವಾರಿಣೀಂ ಮಾತರಂ
||ವಂದೇ ಮಾತರಂ||

ತುಮಿ ವಿದ್ಯಾ ತುಮಿ ಧರ್ಮ,
ತುಮಿ ಹೃದಿ ತುಮಿ ಮರ್ಮ,
ತ್ವಂ ಹಿ ಪ್ರಾಣಾಃ ಶರೀರೇ,
ಬಾಹುತೇ ತುಮಿ ಮಾ ಶಕ್ತಿ,
ಹೃದಯೇ ತುಮಿ ಮಾ ಭಕ್ತಿ,
ತೋಮಾರ ಇ ಪ್ರತಿಮಾ ಗಡಿ ಮಂದಿರೇ ಮಂದಿರೇ
||ವಂದೇ ಮಾತರಂ||

ತ್ವಂ ಹಿ ದುರ್ಗಾ ದಶಪ್ರಹರಣಧಾರಿಣೀ,
ಕಮಲಾ ಕಮಲ ದಲ ವಿಹಾರಿಣೀ,
ವಾಣೀ ವಿದ್ಯಾದಾಯಿನೀ ನಮಾಮಿ ತ್ವಾಂ,
ನಮಾಮಿ ಕಮಲಾಂ ಅಮಲಾಂ ಅತುಲಾಂ,
ಸುಜಲಾಂ ಸುಫಲಾಂ ಮಾತರಂ
||ವಂದೇ ಮಾತರಂ||

ಶ್ಯಾಮಲಾಂ ಸರಲಾಂ ಸುಸ್ಮಿತಾಂ ಭೂಷಿತಾಂ,
ಧರಣೀಂ ಭರಣೀಂ ಮಾತರಂ
||ವಂದೇ ಮಾತರಂ||