პან გი მუნი სამხრეთ კორეაში საპრეზიდენტო არჩევნებზე საკუთარი კანდიდატურის წარდგენას არ აპირებს

Описание: გაერო-ს ყოფილი გენერალური მდივანი პან გი მუნი სამხრეთ კორეაში საპრეზიდენტო არჩევნებზე საკუთარი კანდიდატურის წარდგენას არ აპირებს.

„მე უარს ვიტყვი ჩემს გულწრფელ მისწრაფებაზე მივაღწიო ცვლილებებს პოლიტიკაში და გავაერთიანო ქვეყანა ჩემი ხელმძღვანელობის ქვეშ“, - განაცხადა პან გი მუნმა.

მისი თქმით, ის იმედგაცრუებულია ზოგიერთი პოლიტიკოსით და აზრს ვერ ხედავს მათთან ერთად მუშაობაში.

გაერო-ს ყოფილი გენერალური მდივანი შესაძლო კანდიდატად ითვლებოდა სამხრეთ კორეის პრეზიდენტის თანამდებობაზე.

2016 წლის დეკემბერში სამხრეთ კორეის პარლამენტმა კენჭი უყარა პრეზიდენტის იმპიჩმენტს კორუფციული სკანდალის გამო. მას შემდეგ, რაც იმპიჩმენტს საკონსტიტუციო სასამართლო დაამტკიცებს, სამხრეთ კორეაში ვადამდელი საპრეზიდენტო არჩევნები გაიმართება.