Zakir Əliyev - "Ay qara qız" (müəllif: Xan Şuşinski) - 2025

Описание: Əziz kanalımızın izləyiciləri, Sizə Azərbaycan Respublikasının Əməkdar artisti, sevilən sənətkar Zakir Əliyevin ifasında musiqisi və sözləri Xan Şuşinskiyə aid olan "Ay qara qız" adlı mahnınını təqdim edirik. İfa 10 oktyabr 2025-ci ildə dəyərli kamança ifaçısı, Xalq artisti Fəxrəddin Dadaşovun 75 illik yubiley gecəsində lentə alınıb.

- - - - - - - - - - - - - - - - - - - - - - - - - - - - - - - - - - -

"Ay qara qız" 00:12 - 04:06
Segah 04:06 - 09:46
"Ay qara qız" davamı 09:46 - 10:30

- - - - - - - - - - - - - - - - - - - - - - - - - - - - - - - - - - -

Oxuyur :
ZAKİR ƏLİYEV

Müşayiət edir :
"BUTA" İNSTRUMENTAL ANSAMBLI
Bədii rəhbər Rövşən Qurbanov

tar - Rövşən Qurbanov
kamança - Ceyhun Muradov
qarmon - Vahid Quliyev
qanun - Əməkdar artist Təranə Əliyeva
bas tar - Kamran Novruzov
nağarada - Səyyar Teymurov
qoşa nağara - Eldəniz Abdullayev
qoşanağara - Murad Səfərli
piano - Aqşin Nəbiyev

- - - - - - - - - - - - - - - - - - - - - - - - - - - - - - - -
"AY QARA QIZ"

musiqisi və sözləri: Xan Şuşinski (1901-1979)


I
Ay qara qız,getmə,sənə sözüm var
Aləm bilir gözlərində gözüm var
Heç demirsən ayrılıq var, ölüm var.


nəqarət:
Ay nənəm də qurban
Qaynənəm də qurban
Aman, aman, ölürəm
Səni mən sevirəm
Gəlirsən, gəl alım səni
Gəlmirsən, ölürəm
Səni mən sevirəm


II
Qara qız çıxıbdır dağın başına
Xonçalar düzülüb onun başına
Mən qurbanam qara qızın qaşına


III
Ay qız, çölə çıxma səni görərlər,
Qoynundakı bir cüt barı dərərlər,
Səni görüb özgəsinə verərlər.

- - - - - - - - - - - - - - - - - - - - - - - - - - - - - - - -

◼️ MUĞAMDA OXUNAN QƏZƏL

qəzəlxan Şüvəlanlı Fail Yavəroğluna aiddir.



Dedim ol yarə həmişə sənə qurbanam mən,
Dedi bu bircə sözündən ki, nigaranam mən.

* *

Dedim and içsəm əgər sonra nədir təqsirim?
Dedi səhv eyləmişəm, indi peşimanam mən.

* *

Dedim bimari-qəmi-eşqinə düşdüm, ölürəm
Dedi çoxdan bilirəm sevgili cananam mən.

* *

Dedim eşq əhlini incitmə, gülüm, yaxşı deyil
Dedi xəlq içrə gəzən sadə bir insanam mən.

* *

Dedim bağ içrə, gülüm, sən de yerin, çox gəzmim
Dedi gülşəndə görərsən güli-xəndanam mən.

* *

Dedim Failin ümidi sənədir müxtəsəri
Dedi Faildən ötrü hər gecə nalanam mən.


- - - - - - - - - - - - - - - - - - - - - - - - - - - - - - - - - - -

Sosial media hesablarımız:

Facebook : Fuad Ramazanov https://www.facebook.com/fuad.ramazan...

Instagram : ramazanovfuad https://instagram.com/ramazanovfuad?i...

WhatsApp ilə əlaqə
+994 77 403 60 04