National University (NU) Cebu buksan na sa mga estudyante

Описание: LOOK: Ania na sa Cebu ang pinuy-anan sa mga BULLDOGS:

Ang National University (NU) Cebu nga naa ra mahimutang sa SM CITY Cebu Northwing Complex moabli na sa mga estudyante sa Senior High ug 6 ka kurso sa Kolehiyo.

Nagpadayon na ang enrollment diin ang kolehiyo magsugod ang klase sa July 21 pinaagi sa 6 ka kurso:

●Accountancy
●Architecture
●Computer Science
●,Tourism Management
●Psychology
●Medical Technology

Ang Enrollment fee naa sa P6,000 apan deductible kini sa whole tuition diin sa Senior High naa sa P50,000/year samtang sa kolehiyo naa sa P25,000 to P35,000 per trimester. Wala kinahanglana ang written examination sa gustong mo-enrol.

Nagtanyag sab silag mga scholarship programs labi pa sa mga nakakuha og tag-as nga grado, apan kinahanglang mopasar sa written examinations.

Target nila karon ang mga P1,300 ka tinun-an sa ilang pag-abli. Karon aduna na'y mga 700 enrollees.

Ang NU Cebu maoy ika-13 nga campus sa NU Philippines ug ika-2 nga NU Campus sa Visayas area. Kini sab maoy una nilang campus sa Central Visayas ug unang mall-based University dinhi.

Tungod kay mall-based, gitan-aw ang sayon nga coordination alang sa internship programs uban sa SM Group companies.

Na-aquire sa SM Group ang NU niadtong 2008.

Sa umaabot, gitan-aw ang pagbukas sa ubang courses sama sa Nursing, Dentistry , Pharmacy ug ubang Allied Health programs depende sa gikinahanglan sa region.

Ang NU Cebu usa ka 6-level campus ug naa sa 25,000 sq meter area sa North Wing area sa SM CITY CEBU.

Nag-okupar sa 6th to 11th floors sa building diin dunay igong parking area. Masulod dinhi ang14,000 students.

Gawas sa accessible, affordable ug quality education, ang NU Cebu adunay daghang amenities.

Naggamit na sila og glass board, large TV Screen, Learning Resource Center (library) nga adunay 3,000 books ug e-books, ubay-ubay nga computer Laboratories diin matag laboratory dunay 41 computers, faculty room, Chapel, free health services, canteen, gymnasium alang sa badminton, volleyball ug basketball.

Ang mga outsiders pwede mo-abang sa sports gym ug bisan na sa audio visual room.

Ang ilang canteen adunay 3 ka food concessionaires nga mo-operate sa di pa anG school opening.

Adunay 30 ka empleyado ang NU Cebu pagkakaron.

Kon moapil ba sa CESAFI ang NU Bulldogs, anha na sa panahon nga makaabot sila og 3,000 to 5,000 students.

Karong adlawa, ang kadagkuan sa NU Cebu miabli sa tunghaan sa Cebu media:

• Johanna Minglana
Executive / Administrative Director, NU Cebu

• Anne Caroline Castillo
Academic Director, NU Cebu

• Rosemarie Fe Entia
Senior High School Principal, NU Cebu

Diha sab ang pipila ka personnel sa SM Supermalls sa media campus tour.

Tumong sa NU Cebu ang paghatag sa EDUCATION THAT WORKS.

ARI NA TA SA NU CEBU.