දේවි කුසුමාසන | Devi Kusumasana | 2025

Описание: දේවි කුසුමාසන | Devi Kusumasana Full Movie from 22nd May 2025
ඉතිහාසය නූතනවාදයට ගෙනෙන හෙළයේ මහා සිනමාකරු
ජයන්ත චන්ද්‍රසිරි සිනමා වියමනක් | A film by Jayantha Chandrasiri
තම පියා ඝාතනය කළ සහ තමා ලූහුබඳින සීතාවක රාජසිංහ රජුගේ, ඝාතන කල්ලිවලින් මිදී ප‍්‍රතිකාල් මූලස්ථානයට හෙවත් ශාන්ත ලෝරන්ස් නගරයට (කොළඹ කොටුවට) පලායන කොනප්පු බණ්ඩාරට අතහැර දැමීමට සිදුවන්නේ තම හදබිම වූ සෙංකඩගල පමණක් නොවේ. තම හද බැඳි ප‍්‍රියාවිය වූ කුසුමාසන දේවිය ද වෙයි.
රාජසිංහ භීතියෙන්ම මන්නාරමේ ප‍්‍රතිකාලූන් වෙතට පලා ගිය කරළියද්දේ රජුගේ කනිටු දියණිය වූ කුසුමාසන, ප‍්‍රතිකාලූන් විසින් දෝන කතරිනා නමින් භෞතිස්ම කරන්නේ ඔවුන්ගේ අනාගත රූකඩ රැජන වශයෙන් කන්ද උඩරට රාජ්‍යත්වයට පත්කර ගැනීමට ය.
ප‍්‍රතිකාල් කපිතාන්වරයකු වශයෙන් ප‍්‍රතිකාලූන්ට සේවය කරමින් සිටින අතර, තමා අතින් සිදුවූ මරණයක වරදකරුවකු වශයෙන් පෘතුගීසි උසාවියකින් තීන්දු කරනු ලැබූ කොනප්පු බණ්ඩාර ඔස්ට‍්‍රියාවේ දොන් ජෝන් වශයෙන් භෞතිස්ම ලබා සිටීම කරණකොට ගෙන,මරණ දණ්ඩනයෙන් මුදවා ඉන්දියාවේ ගෝවා නගරයට පිටුවහල් කරනු ලබන්නේය.
එහිදී පෘතුගීසීන්ටම හිරිහැරයක් වූ දාමරික පෘතුගීසි නිලධාරියකු ද්වන්ධව සටනකින් ඝාතනය කිරීම හේතුවෙන් ගෝව පෘතුගීසි නිලධාරි තන්ත‍්‍රයේ ප‍්‍රශංසාවට ලක්වන හේ, පෘතුගීසි කුලවමියන්ගේ ආකර්ෂණයට ද, පෘතුගීසි යුධ යන්ත‍්‍රණයේ අවධානයට ද ලක්වෙයි.
වැඩිදුර අධ්‍යාපනය සඳහා ලිස්බනයේ කොයිම්බ‍්‍රා විශ්ව විද්‍යාලයට යෑමට ලැබුණු අවස්ථාව අතහරින හේ,දැන් සීතාවක රාජසිංහ යටතේ පවත්නා සෙංකඩගල රාජධානිය ආක‍්‍රමණයට කොළඹ සිට යන දොන් පිලිප්ගේ (කරළියද්ද රජුගේ ඥාති පුත් යමසිංහ බණ්ඩාරගේ) සෙන්පතියා වශයෙන් පත් කරනු ලබයි.
ඔවුහු පහසුවෙන්ම සෙංකඩගල ජය ගන්නා මුත් මේ දෛවෝපගත භූමියේදී තම තමන්ගේ අනන්‍යතා පිළිබඳ ගැටලූවලට ද, ඒ නිසාම මතුවූ බලවත් ප‍්‍රතිවිරෝධතාවලට ද මුහුණ දෙති. ප‍්‍රතිඵලය වන්නේ අනපේක්ෂිතව සිදුවූ ද්වන්ධව සටනකින් යමසිංහ හෙවත් දොන් ජෝන් රජු මිය යෑම ය.
එතැන් පටන් විමලධර්මසූරිය නමින් රාජ්‍යත්වයට පත්වන කොනප්පු එකවරම පෘතුගීසීන්ගේ ද, සීතාවක රාජසිංහයන්ගේ ද සතුරා බවට පත්වෙයි.
ස්වකීය විශිෂ්ට දේශපාලන ඥානයත්, මිනිසුන් කෙරෙහි දක්වන ප‍්‍රඥාවන්ත භාවයත් හේතු කොටගෙන තම ළදරු රාජ්‍යයට එල්ල වූ ප‍්‍රථම ප‍්‍රහාරයෙන්ම රාජසිංහ රජු පරාජය කරන විමලධර්මසූරිය සබරගමු දෙල්ගමු විහාරයේ කුරහන් ගලක සඟවා තිබූ ශ‍්‍රී දළදා වහන්සේ කන්ද උඩරටට වැඩම කරවමින් තම රාජ්‍යත්වය තවත් තහවුරු කර ගන්නේය.
තමන්ට මුළු ලංකාවම අත්පත් කරගන්නට තිබූ හොඳම අවස්ථාව අහිමි කළ පුද්ගලයා වශයෙන් පෘතුගාලයේ තුන්වන ජෝන් අධිරාජයාගේ අප‍්‍රමාණ වෛරයට ලක්වන විමලධර්මසූරිය පරාජය කරනු සඳහා, අධිරාජ්‍යයා විසින් පේරු ලෝපේස් ද සෞසා නම් ”සේනාපතීන්ගේත් සේනාපතියා”
(කන්ක්විස්ටර් ඩෝර් ජනරාල්) යන නව තනතුරකින් පුදන ලද මහා යුද වීරයකු ලංකාවට එවන්නේ ඒ අතර ය.
බටහිර යුද ක‍්‍රමෝපායයන් පිළිබඳ විශේෂඥයකු වූ සෞසා මහා සෙන් පිරිවරා, දැන් සීතාවක රාජසිංහ අනුප‍්‍රාප්තිකයා වූ ජයවීර බණ්ඩාර (අරිට්ඨකීවෙණ්ඩු) සමඟ ද සන්ධානගතව උඩරට ආක‍්‍රමණයට පැමිණෙන්නේ යුධ පෙරමුණේ කුසුමාසන දේවියද කැටුවය.
එකිනෙකා පරයා යන විශ්මයජනක යුධ උපක‍්‍රම ගණනාවක් ක‍්‍රියාවේ යෙදවීමෙන් අනතුරුව යුද බිමට ප‍්‍රවේශ වන ඔවුන්, මුහුණට මුහුණ මුණ ගැසෙන්නේ 1594 ඔක්තෝබර් 06 වනදා දන්තුරේ වෙල්යායේදී ය.
දෙදෙනාම තම දිවි පරදුවට තබා කුසුමාසන දේවිය රැක ගැනීමට උත්සාහ ගැනීම වැනි සුවිශේෂතා රැසක් අඩංගු වූ මේ ඓතිහාසික සටනින් විමලධර්මසූරිය ප‍්‍රමුඛ දේශීය සේනාව ජය ලබන්නේ පෘතුගීසීන්ට ශ‍්‍රී ලංකාව අත් කර ගැනීමට තිබූ අවසාන අවස්ථාවද අහිමි කරමිනි .
රැජන සහ රජු වශයෙන් මෙන්ම අප‍්‍රමාණ ප්‍රේමයකින් එකිනෙකා කෙරෙහි බැඳුණු, කලක්ම වියොව් සිටි කුසුමාසන සහ කොනප්පු පෙම් යුවල වශයෙන් ද ඔව්හු තම එක්වීම ඒ ඓතිහාසික දිනයේදී සටහන් කරන්නෝය.
#දේවිකුසුමාසන #DeviKusumasana #JayanthaChandrasiri #SriLankanCinema #SinhalaMovies #HistoricalDrama #සිංහලචිත්‍රපටය #කොනප්පුබණ්ඩාර #කුසුමාසනදේවිය #Seethawaka #Wimaladharmasuriya #DantureBattle #SriLankaHistory #අලුත්චිත්‍රපටය #CinematicExperience
Why You Should Watch?
True Lankan history retold in epic cinematic style
🗡️ Battle strategies, royal betrayal, and forbidden love
🎭 Emotionally gripping performances
🎬 Masterfully directed by Jayantha Chandrasiri
💥 Visually breathtaking and historically compelling
‪@hemalranasinghefans1721‬ ‪@hemalranasinghe9511‬
@followers KaputaTv - The Online TV Sinhala Films #jayanthasribalakrishnan #Chandrasiri #lycamobile #productionsoftware #janaki #Wijerathne #hemalranasinghe #Ranasinghe @Cinema Fan Club Hemal RanAsinghe Fans group Hemal Ranasinghe Hemal Ranasinghe Udari Warnakulasooriya Udari Warnakulasooriya Megha Sooriyaarachchi Dineth De Silva Mahendra Perera Mahendra Perera Buddhika Jayaratne Buddhika Jayaratne Sanath Gunathilake Sriyantha Mendis Ruwan Costa Dinesh Subasinghe Ravindra Guruge Dilan Gunawardana Amal Perera