గుత్తి వంకాయ మసాలా కర్రీ

Описание: గుత్తి వంకాయ మసాలా కర్రీ తయారీ విధానం:
ముందుగా చిన్న చిన్న సైజు వంకాయలు తీసుకుని గుత్తి వంకాయల్లా నాలుగు చీల్లు పెట్టి కట్ చేసుకోవాలి. అవి నల్లబడకుండా కొంచెం నీళ్లలో వేసి ఉంచుకోవాలి.
ఇప్పుడు ఒక చిన్న బౌల్ మెజర్‌తో ఒక బౌల్ నువ్వులు, ఒక బౌల్ పల్లీలు తీసుకుని వేరువేరుగా స్వల్పంగా వేయించుకోవాలి. తర్వాత పావు బౌల్ ఎండు కొబ్బరి కూడా వేసుకోవాలి.
ఇవి అన్నీ మిక్సీ జార్‌లో వేసి అందులో ఒక చిన్న ముక్క దాల్చిన చెక్క, రెండు లవంగాలు, రెండు యాలకులు వేసుకోవాలి. తర్వాత పసుపు, ఉప్పు, కారం, ధనియాల పొడి వేసుకోవాలి. అలాగే పావు టేబుల్ స్పూన్ (1/4 టేబుల్ స్పూన్) అల్లం వెల్లుల్లి పేస్ట్ కూడా వేసుకోవాలి.
ఇప్పుడు కొంచెం నీళ్లు పోసి బాగా మెత్తగా పేస్ట్ చేసుకోవాలి.
ఇప్పుడు మనం కట్ చేసుకున్న వంకాయల్లో ఈ మసాలా పేస్ట్‌ను స్టఫ్ చేసుకోవాలి.
స్టవ్ మీద కడాయి పెట్టుకుని ఒక టేబుల్ స్పూన్ ఆయిల్ వేసుకోవాలి. ఆయిల్ వేడయ్యాక ఒక ఉల్లిపాయ ముక్కలు వేసి కొద్దిగా వేయించాలి. తర్వాత మనం స్టఫ్ చేసిన వంకాయలను వేసుకోవాలి.
వంకాయలు సుమారు 70% వరకు ఉడికిన తర్వాత మిగిలిన మసాలా పేస్ట్ కూడా వేసుకోవాలి. తర్వాత కొంచెం నీళ్లు పోసి ఒక టమాటాను చిన్న ముక్కలుగా కట్ చేసి అందులో వేసుకోవాలి.
ఇప్పుడు మూత పెట్టి 5–6 నిమిషాలు మగ్గించుకోవాలి. చివరగా ఉప్పు, కారం సరిపోయిందా చూసుకుని కరివేపాకు, కొత్తిమీర వేసి ఇంకో ఒక నిమిషం మూత పెట్టి మగ్గించుకుంటే రుచికరమైన గుత్తి వంకాయ మసాలా కర్రీ రెడీ. 😋🍆