Top News – Irani vë në shënjestër bazat amerikane / Trump urdhëron ‘zbrazjen’, tensionet në qiell

Описание: Teherani ka paralajmëruar aleatët e SHBA-së në Lindjen e Mesme se do të sulmojë bazat amerikane në tokën e tyre nëse Uashingtoni sulmon Iranin, tha një zyrtar i lartë iranian për agjencinë e lajmeve Reuters të mërkurën, pas kërcënimeve të Presidentit Donald Trump për të ndërhyrë në mbështetje të protestuesve.
Zyrtari iranian, duke folur në kushte anonimiteti, tha se Teherani u kishte kërkuar aleatëve të SHBA-së në rajon të "parandalojnë Uashingtonin të sulmojë Iranin".
"Teherani u ka thënë vendeve rajonale, nga Arabia Saudite dhe Emiratet e Bashkuara Arabe deri në Turqi, se bazat amerikane në ato vende do të sulmohen" nëse SHBA sulmon Iranin, tha zyrtari. Ai shtoi se kontaktet e drejtpërdrejta mes Ministrit të Jashtëm të Iranit, Abbas Araqchi, dhe të Dërguarit Special të SHBA-së, Steve Ëitkoff, ishin pezulluar, duke reflektuar tensionet në rritje.
Sipas një vlerësimi izraelit, Trump ka vendosur të ndërhyjë, por fushëveprimi dhe koha e këtij veprimi mbetet e paqartë. Një burim i dytë izraelit tha se kabineti i sigurisë i Kryeministrit Benjamin Netanyahu u informua të martën vonë rreth shanseve të rënies së regjimit ose ndërhyrjes së SHBA-së në Iran, një armik i betuar me të cilin Izraeli bëri një luftë 12-ditore vitin e kaluar.
Shtetet e Bashkuara kanë forca në të gjithë rajonin, përfshirë Bahreinin, ku ndodhet selia e Flotës së Pestë të Marinës Amerikane, dhe Katarin, i cili strehon Bazën Ajrore Al Udeid - selia e Komandës Qendrore Amerikane. Një pjesë e personelit në këtë bazë, janë këshilluar tashmë të largohen deri të mërkurën në mbrëmje. Al Udeid është baza më e madhe amerikane në Lindjen e Mesme, që strehon rreth 10,000 trupa. Irani e qëlloi me raketa Al Udeid-in vitin e kaluar në shenjë hakmarrjeje për sulmet ajrore të SHBA-së në instalimet e tij bërthamore.
Sipas NBC Neës, zyrtarë izraelitë dhe arabë kanë sugjeruar ndërkohë që administrata Trump të pezullojë sulmin ndaj Iranit për momentin për të pritur dobësimin e mëtejshëm të republikës islamike.
Arabia Saudite, Omani dhe Katari kanë paralajmëruar ndërkohë SHBA-në se përpjekja për ndryshimin e regjimit në iran mund të cojë në përballjen e tyre me trazira dhe do të godiste tregjet e naftës. Riadi madje i ka thënë Teheranit se nuk do të përfshihet në veprimet e mundshme të SHBA-së dhe nuk do të lejonte përdorimin e hapësirës së tij ajrore për sulme.


Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Irani#Bazat#SHBA