අවාරේ සිරිපා | Off season Sripada hiking | පොඩි හාමුදුරුවොත් එක්ක හැටන් නල්ලතන්නිය හරහා ශ්‍රී පාදයට

Описание: #aware #sripadaya #adamspeak #nature #mountains #temple #buddha #buddhism #srilanka
සොබාදහම ගවේෂණය කළ ශ්‍රේෂ්ඨතම ගවේෂකයා අප මහා බුදුන්වහන්සේය...
තෙරුවන් සරණයි හැමෝටම.ඒ වගේම ආයුබෝවන්. මම සංචාරක පොඩ්ඩා.
බුදුදහම ඔස්සේ සොබාදහමේ ඇති සොඳුරු ගමනාන්තයන් සොයා යන මම සංචාරක පොඩ්ඩා.

අවාරයේ සිරිපා කරුණාව.

තවත් එක් සුන්දර සවස් යාමක්.සුපුරුදු පරිදි සිතට සැනසුම ලැබෙන මගේ පන්සලේ බෝ මළුව හරිම සන්සුන්,සිසිල් සුළඟට බෝ කොළ සෙලවෙන අන්දම හිත නිවනවා.එකවරම මගේ පොඩිහාමුදුරුවො වැඩියේය.රවිඳු අයියෙ "මට සිරිපා වදින්න ආසයි"
කියා කීවේ මුවේ මහත් බලාපොරොත්තු රැසක් ගැබ් කරගෙනය.මම පෙරළා පිළිතුරු දුන්නේ පොඩිහාමුදුරුවනේ මේ සිරිපා අවාර කාලේ,ඒක නිසා අපි වාරෙට යමුය යන්නයි.උන්වහන්සේ එය පසක් කොට කීවේ වාරෙට වඩා අවාරෙ මහත් සුන්දරත්වයක් මවනවලු නේද. මට අවාරෙට තමා යන්න ඕනි, එලෙස කීවේ තවත් බලාපොරොත්තු වැඩි කරමිනි. වාරෙ තියෙන්නෙ වදින්න,අවාරෙ තියෙන්නෙ විදින්න යන වැකිය කියමින් මමද එය සනාථ කළෙමි. එහෙත් සිරිපා කරුණාව බොහොම සෙයින් දුෂ්කරයි,මහගිරි දඹ තමයි දුෂ්කරම කියා මම කියනවිට පොඩිහාමුදුරුවො කීවේ ඊට වඩා දුෂ්කර කටයුත්තක් තියනවා රවිඳු අයියේ යනුවෙනි.සිරිපා වන්දනාවෙ මහගිරි දඹටත් වඩා දුෂ්කර සිදුවීම කුමක්ද යන්න මගේ සිතේ විචිකිච්චාවකි,එය වැඩි වෙලාවක් තිබෙන්නට මත්තෙන් මට කල්පනා වුනේ හැබෑවටම එක කටයුත්තක් සැමටම වඩා දුෂ්කර බවය.එනම් පොඩිහාමුදුරුවන්ගේ අවාරේ සිරිපා වන්දනාවට උන්වහන්සේගේ ලොකුහාමුදුරුවන්ගෙන් අවසර ලබාගැනීමයි. සැබවින්ම එය මහගිරි දඹ තරණයටත් වඩා අති දුෂ්කර කටයුත්තකි.
එදිනම රාත්‍රීකාලයේ අපේ ලොකුහාමුදුරුවො සුපුරුදු පරිදි උන්වහන්සේගේ ආසනය මත අසුන්ගෙන සිටිසේක. මගෙ පොඩිහාමුදුරුවෝ කෙසේනම් මෙය ලොකුහාමුදුරුවන්ට කියන්නේදැයි කුතුහලයකිනි..සිතේ බලාපොරොත්තු සුන් වී ඇති විගසින් සිටියත් එකවරම ලොකුහාමුදුරුවන්ට පැවසූයේ ලොකුහාමුදුරුවනේ රවිඳු අයියත් එක්ක උතුම් ශ්‍රීපාදස්ථානය වදින්න යන්න මට අවසරද යන වාක්‍යයනි. ලොකුහාමුදුරුවො පොඩිහාමුදුරුවන්ගෙ මූණ දිහා මදක් බලා සිටින විට පොඩිහාමුදුරුවන්ගේ මූණෙ තිබෙන ආශාව මහත් සේ පසක් කර ගත්බව මට වැටහුනි.
මගෙ පොඩිහාමුදුරුවන්ට පියෙක් බඳු මගෙ ලොකුහාමුදුරුවො පැවසූයේ වැඩියට කමක් නෑ හැබැයි විනෝද චාරිකාවක් නොකරගෙන වන්දනා ගමනක් ලෙස හරි විදිහටම ගිහින් හමුවෙන ස්ථාන ගැනත් විස්තර සහිතව මහත් ගරුත්වයකින් බුදුරජාණන්වහන්සේගේ වමත් පාදස්පර්ශය ලැබූ උතුම් ශ්‍රී පාදස්ථානය වැදපුදාගෙන නැවත සුරක්ෂිතව පැමිණෙන ලෙසය..පොඩිහාමුදුරුවන්ගෙ වගකීම මට පැවරූ ලොකුහාමුදුරුවො මට කීවෙ ලොකුහාමුදුරුවොත් සිරිපා වන්දනා කරවන්නැයි කියාය.නොකියා කීවේ සියලු දේවල් වීඩියෝගත කරගෙන එන්න කියායි...
ලොකුහාමුදුරුවන්ගේ අවසරදීම මහත් පුදුමයකි.පොඩිහාමුදුරුවන්ගෙ මූණේ තිබූ සතුටට උපමා නැත.එම නිසා එය සටහන් නොකරමි.දුෂ්කරම කටයුක්ත සාර්ථකව නිමා කරගත් මමයි මගෙ පොඩිහාමුදුරුවොයි කල්පනා කළේ අපි දෙන්නා විතරක් මේ වන්දනාවට ඇත්ද යන්නයි.ඉන්පසු අපි පොඩිහාමුදුරුවන්ගේ යෝජනාව මත අපිත් එක්ක මතීෂ මල්ලියි ,චමිඳු මලයයි මේ උතුම් වන්දනාවට එකතුවුනි. මුන් දෙන්නා කෝඩුකාරයන් බව දැනගත් මම
පඬුරු සකස් කරගත්තේ අපි සියලුදෙනාටමය. කෑමබීම, ඇදුම් පැළදුම්,ගෑස්,ලිප්,සුවඳකූරු,තෙල් සියල්ල සූදානම්. Night mail දුම්රිය පසුදා රාත්‍රී 9.00. පොඩිහාමුදුරුවොයි,මමයි, මත්තයි,චමියයි අපේ ලොකුහාමුදුරුවන්ටත් වැඳ නමස්කාර කරලා සාඳු නදකින් ගමන පිටත් උනේ දුම්රිය ස්ථානයටය.දුම්රිය පැමිණුනි.
වෙනදා මෙන්ම night mail දුම්රිය මිනිසුන්ගෙන් පිරී ඉතිරී තිබුණි.අපේ පොඩිහාමුදුරුවන්ට ආසනයක් ලැබුණි.
අපිතුන් දෙනා හැටන් වලට යනකම්ම දෙපයට වාරු අරන් සිටියේය.
හැටන් දුම්රිය ස්ථානයට ළඟා වනවිට වෙලාව අලුයම 2.10යි. මදක් ගිමන් හැර අපි බස් එකක් එනකම් බලන් සිටියත් උදේම බස් එක 6.00ට බව පැවසූ දුම්රිය ස්ථානාධිපති අපට කීවේ ත්‍රීරෝද රථයකින්වත් යන ලෙසය. පොඩිහාමුදුරුවන්ගෙත් අවසරය මත ත්‍රීරෝද රථයෙන් ගමන්කල අපි ශ්‍රීපාද පිවිසිම් දොරටුව ළගට ළගාවෙන විට පාන්දර 4.30ට විතර ඇති.එතන ඇති පොලිස් මුරපොළට ගොස් අවාරෙ ශ්‍රීපාද වන්දනාවට ලබාගත් අවසර පත්‍රයද පෙන්වා අවසර රැගෙන කළුවරේම කල්පරුක්ෂ විහාරස්ථානයට ගමන් කළේ ඊට පෙර හමුවන බුද්ධ මන්දිර විවෘතව නොතිබූ නිවාවෙනි. දැන් වෙලාව 5.00ට විතර ඇති.මෙතැන් සිට මුලින්ම අපිව පන්සිල් සමාදන් කරවපු පොඩිහාමුදුරුවෝ උන්වහන්සේගේ හිතේ තිබෙන්නට ඇත්තේ ලොකුහාමුදුරුවන්ගේ ඔවදනයි.එය මේ ගමන වන්දනා ගමනක් බවය. මින් එහාට සියලුම විස්තර මගේ රූපරචනයෙන් ඔබට අඩුපාඩුවක් නොමැතිව පැය දෙකකට ආසන්න කාලයක් පුරාවට ඔබට සියලුම විස්තර සහිතව උතුම් ශ්‍රීපාදස්ථානය වැදපුදාගැනීමට ඔබට අවස්ථාව සලසා ඇත.සියලු දෙනාම මගේ වීඩියෝව නරඹන ලෙස ඉල්ලා සිටිමි.
ශ්‍රීපාදය ගැන විස්තර කිසිවක් මම නොලියන්නේ සියලු විස්තර රූපරචනයේ අන්තර්ගත නිසාය. මේ මගෙද මගේ පොඩිහාමුදුරුවොන්ගේද අවාරයේ සිරිපා වන්දනාවයි.
Adam’s Peak Sri lanka.
The range of Samanala Mountains which is honorably illuminated in central uplands is about 2243 meters high. Among all the sacred Buddhist places in Sabaragamuwa, Adam’s Peak is prior as it is believed that Lord Buddha’s sacred left foot-print is imprinted there on peak. In reference to Mahawanshaya (a celebrated history of the dynasties of the kings of Ceylon), during his third journey to Sri Lanka Lord Buddha has set the sacred foot-print on top of the Adam’s Peak by Sumana Deva’s (God Saman) invitation who descended.
Thank you.
Sancharaka podda.
මේ ලෝකයේ මා පිළිගන්නා දහම් දෙකක් ඇත.එනම් එක බුදුදහමයි,අනෙක සොබාදහමයි. අපි සොබාදහම විදිමු,සොබාදහම තුළ ඇති දහම සොයායමු,මනුසත්කම,ගුණදහම් වපුරවමු.
හැමදාම කියනවා වගේ අවසන් කරන්නම්.
"ජීවය දුන්නු අම්මට වගේම හුස්මටික දෙන මේ සොබාදහම නැමති අම්මත් රකින්න.තමන්ගෙ ඇස්දෙකවගේ.
හැමෝටම තෙරුවන් සරණයි.මම සංචාරක පොඩ්ඩා...