🔥2024|火鍋系列|香港任飲任食打邊爐|半自助火鍋放題|🥘|😋|吃到飽|🤰🏻|🌈|無敵超值|🐮|火鍋控|旺角|豉油街|市區|無限|🥗|沙律|涼拌小食|碗仔翅|炸魚皮

Описание: 請大家動一動手指👆🏻Follow我哋
撳埋鐘仔🛎️訂閱
比Like👍🏻支持我哋
歡迎大家留言✍🏻一齊交流心得🫶🏻

〖本影片不含任何廣告成份〗
本人全自費用餐
真心真意真實食評
純屬個人口味及不專業意見
餐廳內食物種類食物質素及價格可能隨時有變
以拍攝當日為準

每星期都有新片
介紹香港美食
帶你食勻全香港
仲有周圍去旅遊食美食
帶你環遊世界嘆美食

一鍋堂-旺角豉油街店
地址: 旺角豉油街60-104號XX Arcade東翼2樓

#香港 #旺角 #火鍋 #打邊爐 #港式 #放題 #吃到飽 #任飲任食 #拍拖 #打卡 #浪漫 #冬陰功 #泰國媽咪麵 #碗仔翅 #豬肺湯 #CP值高 #性價比 #超值爆燈

今集介紹
一間位於旺角豉油街嘅火鍋店
午市半自助火鍋放題
絕對「無敵超值」
只需要$68
無限任飲任食60分鐘
無論你係咪火鍋控
呢個價錢絕對值得一試
一齊睇睇$68火鍋放題
究竟有啲咩食

今日星期二下午1點半
我哋嚟到旺角豉油街
離遠已經見到好大個招牌
「一鍋堂」
今日係嚟試呢個「抵食之選」
午市60分鐘
$68半自助火鍋放題
任選一款湯底再加自助餐區任食

可以自選指定湯底
湯底有10幾款選擇
套餐任飲無酒精飲品
自助吧沙律涼菜熱食火鍋配料無限添加
星期五六日公眾假期及前夕
每位另加$10
需要收取+1服務費

旺角豉油街分店
供應時間
星期一至五中午12點至下午4:30
星期六日公眾假期及前夕上午11:30至下午4:30
最後入座時間係下午3:30

葵芳旗艦店
新都會廣場供應時間
星期一至五上午11:30至下午4:30

旺角豉油街分店
位於XX Arcade東翼2樓
營業時間
星期一至五中午12點至晚上12:30
星期六日公眾假期及前夕上午11:30至晚上12:30

旺角豉油街分店
有電梯可以直達2樓
無需行樓梯
一入到嚟就見到個顧客須知
所有消費條款同細則都寫到清清楚楚

首先收銀姐姐會問揀乜嘢套餐
即時揀一款湯底
同埋即時俾錢
我哋兩個人每位$68再加一
總數係$150
每人平均消費係$75
就可以無限任飲任食60分鐘
比完錢收銀姐姐就會帶我地入座

我哋一行入嚟
就覺得香噴噴
係火鍋嘅香味
首先睇睇醬料區
基本上有齊蒜蓉炸蒜辣椒芫荽蔥
隔離已經有個飲品櫃
自家製樽裝茶
罐裝飲品

火鍋配料
估唔到寫到明係廚師牌香腸
仲有魚腐牛丸香菇貢丸
菇菌類有蟲草花雲耳金菇冬菇
泡菜涼拌小食
水果有火龍果哈密瓜

另一邊仲有好大個飲品櫃
啤酒都有三款
但係唔知飲唔飲得
因為頭先見到memu
係寫任飲無酒精飲品
我哋冇諗住飲啤酒就冇特登問店員
但係擺得喺度又冇特別貼住唔攞得
咁應該就飲得⋯⋯
另外仲有紙包飲品同汽水
飲品選擇都幾多

跟住就睇睇熟食區
咦得返一件泰式辣雞粒
唔知仲會唔會再出呢

當然唔少得火鍋必食嘅
炸魚皮
炸響鈴
佢哋稱得上係火鍋嘅「最佳拍檔」

熟食區
滷水雞翼
咖喱豬皮魚蛋
泡椒辣豬手
五香肉丁炒飯
醬油涼麵

麵食類
最特別係有
泰國冬陰功麵
雞肉綠咖喱麵
滷水鴨肉麵
出前一丁
王子麵
新竹米粉
連香港製造嘅大光面都有

仲有碗仔翅
好似好多材料
大量木耳絲同雞肉絲
足料好味

湯底方面
我哋揀咗杏汁豬肺湯
湯入邊有杞子白菜豬肺
大概有四至五舊豬肺
我哋首先飲啖湯
再落材料開始打邊爐
湯嘅味道好清甜
好好飲呀

一邊食一邊留意餐廳環境

環境光猛舒適
冷氣充足
大部份係四人卡座位
牆上面都有啲金句
「世上火鍋那麼多，不如齊齊食一鍋」

「火鍋一開，煩惱走開」

呢句好似又真係喎！
開咗個火鍋就掛住食火鍋
所以煩惱都走開哂😆😆

每張枱上邊都已經預先擺咗一壺湯
方便大家需要加湯嘅時候就可以加落去

估唔到個五香肉丁炒飯都幾好
粒粒分明
味道適中
不過就唔係好覺有肉丁粒

炸魚皮都好好食
鹹淡適中
脆卜卜
放落湯度吸左啲湯汁又係咁好食

豬肺湯入邊嘅豬肺
比較爽口
唔會帶有豬鬚味

食食吓發現鹽酥雞粒refill咗
仲有Refill左炸午餐肉
不過已經得返一塊

滷水雞翼
可能浸住太耐
好入味
肉質就偏淋

今次再出去行一行
見到午餐肉再refill一次
就可以攞嚟試試

鹽酥雞粒好細粒
覺得冇乜口感
炸粉比較多

午餐肉炸到好乾身
正常味道

食到差唔多時候
係時候煮返個麵
第一個試嘅面係
雞肉綠咖喱麵
唔食得辣嘅我
綠咖喱都幾辣
不過辣得來幾好食

呢粒牛丸
唔好睇佢細細粒
爽口又幾好食
咬落去仲爆汁
好重牛肉味

第二個試嘅面係
滷水鴨肉麵
哇！個湯好鹹呀
個麵質本身都係鹹鹹地
對比返頭先個綠咖喱麵
佢個面好似上咗一層豉油色
所以鹹上加鹹
呢個我地就唔啱食
比較偏濃味

食飽飽
甜品係第二個胃
梗係要嘆一嘆
軟雪糕機有牛奶味雪糕
牛奶味比較淡
冰感比較重
唔夠軟滑

雪糕杯就有四隻味
呢個品牌係香港製造嘅雪糕
檸檬雪葩
荔枝味
椰子味
柚子乳酪
最好食係檸檬雪葩
味道酸酸地好開胃
食完呢個火鍋
再食一杯檸檬雪葩
完完全全解左油膩
食完成個人舒服晒

總結
環境舒適
味道出色
CP值爆燈
限時60分鐘
當係一個午餐嚟食時間係足夠
放題任飲任食時間好似就有少少趕
可能唔係繁忙時段
入座率一半左右
夠鐘都冇職員就走埋嚟提示
可以慢慢嘆埋個甜品雪糕先走

兩個人行街拍吓拖
搵個舒適環境食飯打卡影相
都算係一種浪漫
仲要嚟到旺角繁華鬧市
搵到咁平嘅價錢任飲任食
半自助火鍋放題
絕對超值
講真$68呢個價錢
真係驚艷到我哋
食飽飽心滿意足
大家捧住個肚走

今日講住咁多先
大家記得留言話我知
你哋平時鍾意去邊間食火鍋打邊爐
有咩好介紹記得話我知
等我哋可以周圍去試試

感謝你觀看我既影片🎦
再一次提提大家
記得FOLLOW 我哋YOUTUBE CHANNEL
撳埋鐘仔 同埋俾LIKE支持我哋呀 BYE BYE