საჯარო უწყებები მართვის ელექტრონულ სისტემაზე გადავიდა

Описание: ავტორები: სულხან მესხიძე, ვაჟა კეშელავა, მირზა ციმნარიძე |
ერთიან ელექტორნულ სისტემაზე გადასვლასთან დაკავშირებით ზია ჩახვაძემ შესაბამისი გადამზადების კურსი გაირა. თუმცა გამგებლის წარმომადგენელი ორთაბათუმის თემში საქმისწარმოებას ელექტრონული სისტემით ვერ ახორციელებს. მიზეზი სოფელში ინტერნეტის არარსებობას უკავშირდება. მსგავსი პრობლემის წინაშე 37-მდე სოფელი დგას. ჩახვაძე ამბობს, რომ კიდევ რამდენიმე თვე დოკუმენტაციის შედგენისას ისევ ფურცელს გამოიყენებს.

სოფლებისგან განსხვავებით ელექტრონულ სიტემაზე ხელვაჩაურის მუნიციპალიტეტის გამგეობა მესამე დღეა, რაც გადავიდა. აქ აცხადებენ, რომ პროგრამას მოხელეები მეტნაკლებად ფლობენ, თუმცა სისტემის ეფექტურობა გამგეობის ყველა რგოლის ჩართვის შემთხვევაში იქნება შესამჩნევი.

ელექტრონულ სისტემაზე გადასვლასთან დაკავშირებულ აუცილებელ ხარჯებს გამგეობა ამ დრომდე ითვლის. სოფლის გამგეობებთან ინტერნეტის მიყვანისთვის შესაბამისი თანხების გამოყოფა ბიუჯეტის ცვლილების დროს უნდა მოხდეს. გამგებლის მოადგილე ამბობს, რომ ახალ სისტემეაზე გადასვლა ქაღალდის გამოყენებას 70 პროცენტით შეამცირებს, ამასთან მინდია ბასილაძის თქმით, ელექტრონული საქმისწარომება გამგეობის საქმიანობას უფრო ეფექტურს გახდის.

საჯარო უწყებები ელექტრონულ სისტემაზე საქართველოს ფინანსთა სამინისტროს ინიციატივით გადავიდა.