Sarmad Sehbai recites his ghazal اک دمِ گُزراں سے عُمرِ مختصر باندھے ہوئے
Автор: Khursheed Abdullah
Загружено: 2024-02-20
Просмотров: 1994
Описание:
سرمد صبہائی
اک دمِ گُزراں سے عُمرِ مختصر باندھے ہوئے
خاک سے ہیں شاخِ گُل کو بے خبر باندھے ہوئے
اک خمارِ عکس میں لرزاں ہے آبِ آئنہ
سحرِ حیرانی ہے کوئی فِتنہ گر باندھے ہوئے
دُور تک آنکھوں میں کوئی راستہ کُھلتا نہیں
اور ہم صدیوں سے ہیں رختِ سفر باندھے ہوئے
اوڑھنی سینے کے آدھے موڑ پر ڈھلکی ہوئی
بال ماتھے پر ذرا سے چھوڑ کر باندھے ہوئے
ہے کوئی حرفِ عدم معنی گری کے درمیاں
حلقۂ ابہام ہے عیب و ہُنر باندھے ہوئے
پاؤں میں کھنچتی چلی جاتی ہے زنجیرِ سفر
رقص میں ہم بھی ہیں نقشِ رہ گزر باندھے ہوئے
اِک سمندر جو اُچھلتا ہے کِناروں سے پرے
وہ ذرا سی بُوند میں ہے چشمِ تر باندھے ہوئے
داغ ہےسینے پہ اک تعویذ کالےعشق کا
کیوں نہ پھر رکھیں اِسے ہم عُمر بھر باندھے ہوئے
پھر رہے ہیں کوچہ و بازار میں ھم بھی کہیں
چادرِ درویش میں جان و جگر باندھے ھوئے
ہےہوائے خوش بیاں کیفیتِ ابرِ بہار
اور ہیں اوراقِ گُل مضمونِ زر باندھے ہوئے
جانیے اِس بار کیسی رُت چلی ہے شہر میں
ہیں پرندے گھونسلوں میں بال و پَر باندھے ہوئے
شہر میں نکلوں تو مجھ کو گھیرتے ہیں راستے
گھرمیں رکھتے ہیں مجھے دیوار و در باندھے ہوئے
کون سنتا ہے کہانی رات بھر سرمدؔ مگر
ہے ترا وردِ سخن ہم پر اثر باندھے ہوئے
سرمد صبہائی
Повторяем попытку...
Доступные форматы для скачивания:
Скачать видео
-
Информация по загрузке:
