غازی شیرجان کاکڑ

Описание: شیر جان کاکڑ !
جن کو اج ہی کی دن 8 دسمبر1940 کو پھانسی دی گئی
4 اکتوبر سال 1940 کو شیر جان کاکڑ نے فورٹ سنڈیمن [ ژوب] کے پولیٹیکل ایجنٹ میجر بارنز یا (بارنیس) کو اس کے اپنے گهر میں پستول سے فائرنگ کر کے ہلاک کر دیا. اس کے محافظ اور باورچی نے شیر جان کو پکڑنے کی کوشش کی مگر شیر جان نے ان دونوں کو بھی قتل کر دیا.
فورٹ سنڈیمن موجودہ ژوب میں انگریزوں نے 19 ویں صدی میں ایک انگریز فوجی افسر رابرٹ سنڈیمن کی نگرانی میں ایک مضبوط فوجی قلعہ ایک پہاڑی تعمیر کیا تها. اس فوجی قلعہ میں تقریباً 20 ہزار کی تعداد میں فوج ہمہ وقت تیار رہتی تھی. یہ فوجی قلعہ جس پہاڑی پر تعمیر کیا گیا تھا اس کے ساتھ ملحق بازار اپو زی میں روزانہ تقریباً 3 ہزار کے قریب افراد اپنی روزی روٹی کمانے کے لیے کاروبار میں مصروف رہا کرتے تھے. جبکہ اپو زی بازار کی مقامی آبادی تقریباً 445 نفوس پر مشتمل تهی. یہ بازار کوئٹہ شہر کے ساتھ ایک تنگ ریل پٹری کے ذریعے منسلک کیا گیا تھا اور ایک ریل گاڑی اس گاوں اور کوئٹہ شہر کے بیچ چلائی جاتی تهی.
40 سالہ میجر ہمفرے آسٹن بارنز جنہوں نے 1927 سے ہندوستان کے مختلف علاقوں میں فوجی اور سیاسی دفاتر میں خدمات سرانجام دیں تهے، سال 1938 میں وزیرستان کے پی-ای-او بنے اور سال 1939 میں فورٹ سنڈیمن میں سیاسی نمائندہ کی حیثیت سے مقرر ہوئے. جس دن شیر جان کاکڑ نے انہیں اپنے بنگلے میں ہلاک کیا تو اس کی بیوی اور بچے بهی بنگلہ میں موجود تهے.
فائرنگ کے بعد شیر جان اپوزی بازار کی طرف پہاڑی سے اتر کر وہاں روپوشی کے بعد فرار ہونے میں کامیاب ہوئے.
اس واقعہ کے بارے میں عوامی روایت یہ ہے کہ شیرجان کاکڑ نے انگریزوں سے ژوب کے نواب بننے کی درخواست کی تهی مگر انگریزوں نے یہ یہ نوابی قلعہ سیف اللہ کے نواب کو دے دی. دوسری روایت یہ ہے کہ شیرجان جوکہ اپو زی (ژوب) کے رود جوگیزی کا رہائشی تھا. یہ علاقہ غیر منقسم ژوب ہی کا علاقہ تها مگر آجکل ضلع قلعہ سیف اللہ کے حدود میں واقع ہے. کہا جاتا ہے کہ شیرجان انگریز ملیشیا میں ملازم تھا اور نامعلوم وجوہات کی بنا پر ملازمت سے برطرف کردیا گیا تھا اور اپنی تنخواہ کی عدم ادائیگی کی بنا پر انہوں نے اس میجر کو قتل کر دیا .
علاقائی لوک ادب کے اشعار یعنی کاکڑی غاڑو میں، بیان ہوئی دوسری روایت کا ذکر ملتا ہے.
شیرجان و ویل پولټیکله زما تنخا راکه
لا دې ولم په لنډۍ لا حال صفا راکه
ترجمہ: شیرجان نے پولیٹیکل (ایجنٹ) سے کہا کہ یا تو میری تنخواہ ادا کی جائے یا مجھے وضاحت دی جائے یا پھر میں تمہیں مار دوں گا.
انگریز نے انکی واجب الادا تنخواہ جاری کرنے سے انکار کردیا اور اپنے ساتھ ہوئی نا انصافی کی وجہ سے انہوں نے اس اعلیٰ سطحی افسر کو قتل کر دیا.
ایک دوسرے شعر میں اس واقعہ کو تھوڑے مختلف انداز میں پیش کیا گیا ہے. اس شعر میں شیرجان کے ایک دوست (لونی پشتون)کا ذکر ہے اور ممکنہ طور پر وہ انگریزوں کی ملیشیا میں ملازم تھا ملازمت سے برطرفی کے بعد اس کی تنخواہ کی عدم ادائیگی کا قضیہ لے کر شیرجان پولیٹیکل ایجنٹ کے پاس جاتا ہے.

پولټیکل وویل شیرجانه ته تنخا غواړې
زرکي وزه تربنګله باید سزا غواړې
ترجمہ: پولیٹیکل (ایجنٹ) نے کہا شیرجان تم تنخواہ مانگنے آئے ہو. ... جلد ہی یہاں سے نکل جاو ورنہ تمہیں سزا ملے گی.

ستا تربور لوني پاګل، ته حق له ما غواړې
د پاګلو حق زه نه وینم پرځان باندې
ترجمہ: تم اپنے پاگل عزیز (لونی) کا حق مجھ سے مانگنے آئے ہو. ...... میں کسی پاگل کا حق اپنے ذمہ نہیں دیکھتا.

شیرجان وویل پولټیکله ستا چمونه دي
ما راوړي له ګورمنټه کاغذونه دي
ترجمہ: شیرجان نے کہا اے پولیٹیکل (ایجنٹ) یہ سب تمہارا مکر و فریب ہے....... حالانکہ میں اپنے ساتھ ہر قسم کی سرکاری کاغذات لے کر آیا ہوں.

پرلیکلي مې د هرانګریز نومونه دي
له تربرو مې د کېهۍ (کمي) حال په رښتیا راکه
ترجمہ : جس پر (ان کاغذات پر) ہر انگریز (افسر) کے دستخط موجود ہیں. .....گو کہ میرے عزیر و اقارب میرا ساتھ نہیں دے رہے اس کے باوجود میں تم سے سچ سننے آیا ہوں.

زما تنخا به راکوې پر سپین میدان باندې
د لنډۍ ګوزار به و وینې پر ځان باندې
ترجمہ: مجھے میری باقی ماندہ تنخواہ ہر صورت میں چاہئے. ..... ورنہ تمہیں میرے وار کا سامنا کرنا ہوگا.

شیرجان و ویست پولټیکل د زړۀ پر میان باندې
ویر یې جوړ کړی د لندن پر افسران باندې
ترجمہ : شیرجان نے پولیٹیکل ( ایجنٹ ) کے عین سینہ پر فائر کر دی. .....
اور لندن کے افسران پر ماتم بچها دیا.

په دوتر کې شین لوګی د توپنچو ګرځي
په بازار کې شنې پلټنې د فوجو ګرځي

ترجمہ: دفتر فائرنگ کے دهویں سے ڈھک گیا
اور بازار میں فوج کے پلٹنز گھومتے نظر آتے ہیں.

ایجنټ رالئ (راغلو) په هوا پر جهازو ګرځي
یای (وایی) چاپه به اچوم پر کاکړان باندې

ترجمہ : ایجنٹ (اعلی افسر) جہاز میں بیٹھ کر فضائی جائزہ لیتا ہے. ...... اور کہتا ہے کہ تمام کاکڑ قبیلے کے خلاف کارروائی عمل میں لائی جائے گی.

شیرجان ویل فرنګی مې مردار کړی دی
اپوزی مې په سرو وینو رنګولی دی

ترجمہ: شیرجان نے کہا میں نے فرنگی کو ذلت کی موت مارا. .... ژوب کو خون میں رنگ دیا.

تاسی خبر کړی نوابان، پلار مې وزلی دی
نه به خلاس سم، نه پېښ سم پر سیکان باندې

ترجمہ : نوابوں کو خبر دو کہ میں نے ان کے باپ کو مار دیا...... میں ان کے چهنگل سے بچ تو نہیں سکتا مگر میں کسی سکھ جج کے سامنے کبھی خود کو پیش نہیں کروں گا؟ ؟؟؟؟

کچھ عرصہ بعد شیر جان کاکڑ کے ایک کزن نے مخبری کر کے گرفتار کروایا. (عزیز لونی نے شیرجان کی گرفتاری سے متعلق معلومات اپنی کتاب میں فراہم کی ہے جو اس کالم کے آخر میں تحریر کی جاتی ہے).
جب شیرجان کاکڑ کو انگریزوں نے گرفتار کر لیا تو انکی ایک کزن رابعہ نے چند اشعار (کاکڑی غاڑی) کہے تهے.

د کاکړو رنګ ئې ښه کئ
شېرجان خويي د غازي وکئ

ترجمہ: شیرجان نے اپنے غازی پن سے کاکڑ قبیلے کو نیک نام کردیا.

په دفتر کښې ټکهار دئ
د سرو ښکار کوي شېرجان دئ

ترجمہ: یہ جو دفتر میں فائرنگ کی آوازیں سنائی دیتی ہیں یہ شیر جان کی