للموت | الرادود محمد حسين خليل | كلمات نادر التتان

Описание: للموت | الرادود محمد حسين خليل | كلمات نادر التتان
.

انتاج وتنفيذ
هيئة الامام الحسين (ع)


شكر خاص للمتطوعين و المساهمين في انجاز هذا العمل
.
ما أقدر أسكت / وانا الداعي بغرامي
يا ربي ثبت / جنوني بحُب إمامي
للموت للموت / أهوى الحُسين
للموت للموت / أفدي الحُسين
______
اسولف عن عشق روحي و عن اسنيني بوصاله
يحيّرني بكراماته و عطاءاته وجماله
أخاف أحچي و لا أوفي لذرة من كماله
و اخاف اسكت ويضج قلبي وانا قلبي حَلاله

الحُب حفرته / على قلبي وجبيني
كلما ذكرته / يهل دمعي بحنيني
والصوت و الصوت / في النشأتين
للموت للموت / أفدي الحُسين
_______________
يزورونك و انا اوياهم اذا زرتك يغالي
احس روحي تظل يمك فقط يرجع خيالي
وطن عمري و سكن شوقي محد غيرك في بالي
واظن لولا انته أيامي غدت كلها ليالي

يالحاني قلبك / يالآجمل بصفاته
كل بيت يحبك / ويناديك بصلاته
لبيوت لبيوت / لك وجنتين
للموت للموت / أفدي الحُسين
_____________
أبو الأكبر إسم غالي واموتن في حروفه
أعوفن كل هوى الدنيا و حبيبي ما أعوفه
عمت عيني ولاشوفن أُو بس هُوّ ال أشوفه
تلاشت كل أرض عقبه و بقت تلمع طفوفه

يأسرني نوره / ويقطعني بمصابه
كل يوم ازوره / عن المهدي نيابه
منحوت منحوت / بالدمعتين
للموت للموت / أفدي الحُسين
___________
يلوموني على اجنوني ويقولون العقل زين
واقول الله ال طلب مني أجن بمحبة احسين
أنا اشگدري بلا حُبه شسوي بقلبي و العين
عساني الموت ولا أنسى اللي ماكو مثلهِ اثنين

أول مصيبه / حبيبي اعلي الوطيه
وثاني مصيبه / سفر زينب سبيه
مفتوت مفتوت / بمصيبتين
للموت للموت / أفدي الحُسين
****