ဘန်ကောက်ရောက် အာဏာသိမ်းစစ်ခေါင်းဆောင်အား ထိုင်းတက္ကသိုလ်ကျောင်းသားမှ တကိုယ်တော် ဆန္ဒပြ

Описание: ဘန်ကောက်ရောက် အာဏာသိမ်းစစ်ခေါင်းဆောင်အား ထိုင်းတက္ကသိုလ်ကျောင်းသားမှ တကိုယ်တော် ဆန္ဒပြ
========================================
၂၀၂၅။ဧပြီ-၄
နေရာတကာဂျာနယ်

ထိုင်းဝန်ကြီးချုပ်၏ ဖိတ်ကြားချက်အရာ ထိုင်းနိုင်ငံ၊ဘန်ကောက်မြို့၌ ၆ကြိမ်မြောက်ကျင်းပသည့် BIMSTEC အစည်းအဝေးတက်ရောက်နေသည့် အာဏာသိမ်း မြန်မာစစ်ခေါင်းဆောင် ဗိုလ်ချုပ်မှုးကြီး မင်းအောင်လှိုင်အား ထိုင်းတက္ကသိုလ်ကျောင်းသားတဦးမှ တကိုယ်တော် ဆန္ဒပြခဲ့သည်။

ယနေ့ (ဧပြီ၄ရက်-ထိုင်းစံတော်ချိန် ၄နာရီ ၃၀)တွင် “ပွန်”ဆိုသည့် ထိုင်းနိုင်ငံသား၊ ပထမနှစ်တက္ကသိုလ်ကျောင်းသားတဦးမှ ဘန်ကောက်မြို့ရှိ BIMSTEC အစည်းအဝေး ကျင်းပနေသည့် Shangri-la ဟိုတည်သို့ တစ်ဦးတည်းလာရောက်ပြီး တကိုယ်တော် ဆန္ဒပြခဲ့ခြင်း ဖြစ်သည်။

၎င်းမှ“ထိုင်းနိုင်ငံက လူသတ်သမား အာဏာရှင်မင်းအောင်လှိုင်ကိုအလိုမရှိဘူး၊ ဒီအစည်းအဝေးဟာ လူပေါင်း ၆၀၀၀ ရဲ့သွေးတွေစွန်းထင်းကုန်ပြီ"

"သွေးစွန်းနေတဲ့လက်ကို ဆွဲနှုတ်ဆက်ရတာ ဝန်ကြီးချုပ် ပေထုံတန် ဘယ်လိုခံစားရလဲဗျ"

"ဒီအစည်းအဝေးထဲမှာရှိတဲ့ ခင်ဗျားတို့ တစ်ယောက်မှ မရှက်ကြဘူးလား။ ဒီမိုကရေစီအရေးလို့ပြောပြီး အပြစ်မဲ့ ပြည်သူတွေကို သတ်နေတဲ့ အာဏာရှင်နဲ့ ညစာစားနိုင်ကြလား၊ ထိုင်းနိုင်ငံဟာ မြန်မာနိုင်ငံသားတွေနဲ့အတူ ရပ်တည်နေတယ်၊လူသတ်အာဏာရှင်စနစ်ကို ရှုတ်ချကြ၊ ရှုတ်ချကြ"

“ထိုင်းနိုင်ငံဟာ မြန်မာနိုင်ငံသားတွေနဲ့အတူ ရပ်တည်နေတယ်”
ဟု ဟစ်အော်ဆန္ဒထုတ်ဖော်ခဲ့သည်။
ထိုသို့ဟစ်အော် ဆန္ဒပြနေသည့် ထိုင်းတက္ကသိုလ်ကျောင်းသား”ပွန်”အား ဟိုတယ်ရှိ လုံခြုံများမှ ဆွဲထုတ်သွားခဲ့ကြောင်း သိရှိရပြီး ဥပဒေအရ အရေးယူခြင်းရှိမရှိ မသိရသေးပါ။


Nayyartakar News+