يا طوعه | محمد البطي

Описание: قصيدة [ ياطوعه ]

ليلة ٤ محرم ١٤٤٤هـ

• ذكرى استشهاد الامام الحسين عليه السلام
• الحسينية المهدية -بالبطالية
• أداء | محمد البطي
• كلمات الشاعر | أبو تراب الأحسائي
• مكساج | علي شهاب
•مخطوطة | علي جواد بن أحمد
• مونتاج و تنفيذ| اللجنة الاعلامية بالحسينية المهدية بالبطالية

كلمات القصيدة :


يا طوعه من بعدي اِمْسحي دمعة حميده
و بلغيها احبها اِوْ سفرتي عنها بعيده
لاغله ايتامي لاغله ايتامي
بلغي سلامي


لو شفتي طفله تنسحب يا طوعه يمـﭻ
ﮔولي اِلـْها مسلم تره و الله يحبـﭻ
بيها اثر حرﮒ الخيم لو لفت عندﭺ
حنـّي عليها اِوْ نيـّمي بنتي في حظنـﭻ


اِمن اتجيـﭻ بنتي و العطش يبّس شكلها
اسـﮕـيها ماي اِوْ امسحي الدم من رجلها
لاجمل احلامي بلغي سلامي


من فوﮒ لمن ينشمر جسمي عله الـﮕـاع
لـَتـْبلغي بنتي اتكسـّرت من عندي اضلاع
سمحي لي بس اطلب طلب من ﮔبل لوداع
اِمن اتجي حميده اِبْلا ستر مدي اِلـْها اﮔناع


لبنيـّه ما هي اِمـْعلـّمه تمشي بلا احجاب
و خايف يطوعه اِبـْكربله يسلبها سلاّب
لام جفن دامي بلغي سلامي



بنتي علامتها الظـَّهَر من عدها محني
و لوطـﮕـها خولي تستحي اِتـْﮕول آ يمتني
يشبه دمعها دمعتي اِوْ لونين وَنـّي
اعتذري لها لو ﮔصـّرت ويّاها عنـّي

ﮔولي اِلـْها آسف تره مسلم يـِﮕـِلـِّﭻ
ما عنده راس اِوْ لا متن يـﮕدر يحملـﭻ
اِلـْزهرة ايامي بلغي سلامي

اِمن اسمورتي بيها اثر بس تنظريها
بتشوفي آخر قـُبله طابعها بايديها
ضمّي حميدهْ اِوْ بالنيابه قبـّليها
اِوْ سَمّي عله اللي ما احد سَمّى عليها

بتشوفي طفله اِمحيّره ما بين لاطفال
هذي حميده تنسحب ﮔوّه بلحبال
اِلـْشمعة اخيامي بلغي سلامي

امن ابعيد لو تتأملي ﭽن بيها شامه
اِبـْخدها تره سطرة شمر خلـّت علامه
بتعرفي بنتي ترتجف مثل الحمامه
اِلـْوحّدها تمشي مو مثل باقي اليتامه

بـﭽفوفها اِتـْظل تستتر عن نظرة الناس
و عيونها طول الدرب لعيون عباس
اِبـْهذا اهتظامي بلغي سلامي




بوصيـﭻ يا طوعه بعد آخر وصيّه
ﮔولي اِلـْحميده بالصلاه تدعي اِلـِيـّه
ادري ﮔلبها احنيـّن اهوايه عليـّه
اتسامحني خلـّيها تظل بعدي سبيّه

تعذرني خلـّيها لانـّي يتـّمتها
اِوْ ﮔولي لها محروﮒ ﮔلبي ما شفتها
بآخر كلامي بلغي سلامي


______

برامج التواصل الاجتماعي :-

الحساب الرسمي بالسناب شات:
‏  / almahdyah  

الحساب الرسمي بالانستقرام :
‏https://www.instagram.com/p/CEJhly3Bl...

الحساب الرسمي بالفيسبوك:
‏https://www.facebook.com/307777562742...

للإشتراك بخدمة الواتس أب :
‏https://wa.me/message/BGOKQ5VK3ZTJF1
حفظ الرقم التالي
0565675204
و إرسال كلمة اشتراك مسبوقة بأسمكم الكريم


#الحسينيةالمهدية بالبطالية