အတွဲ ၇ တွဲ ဘုရားရှိခိုးစာ - အတွဲ ၅ ( ကြာသပတေးနေ့ တိုင်း/ အပြင်ထွက်တိုင်း ရွတ်ဆိုပူဇော်ရန်)

Описание: အတွဲ ၇ တွဲ ဘုရားရှိခိုးစာ - အတွဲ ၅ ( ကြာသပတေးနေ့ တိုင်း/ အပြင်ထွက်တိုင်း ရွတ်ဆိုပူဇော်ရန်)

မဟာအဓိဌာန်ဝင်လိုသူများ အတွဲ ၁ မှ ၇ အထိကို တစ်နေ့ မနက် ည နှစ်ကြိမ်ပုံမှန် အချိန်တိတိကျကျ အနည်းဆုံး ၉ ပတ်မှ ၁၀၈ ပတ်ထိ အဆင့်ဆင့် ရွတ်ဖတ်ပူဇော်နိုင်ပါသည်။

ရိုးရိုးအဓိဌာန်ဝင်လိုပါကလည်း တနင်္ဂနွေနေ့တွင် အတွဲ ၁၊ တနင်္လာနေ့တွင် အတွဲ ၂၊ အင်္ဂါနေ့တွင် အတွဲ ၃၊ စသဖြင့် စနေ့နေ့တွင် အတွဲ ၇ ထိ တစ်နေ့လျှင် တစ်တွဲကျ မနက် သို့မဟုတ် ညချမ်းအခါတွင် အချိန်မှန်မှန် ကြိုးစားပူဇော်ပါ။
အနည်းဆုံး ၉ ပတ်မှ တတ်နိုင်သမျှ ၁၀၈ ပတ်အထိ ယုံယုံကြည်ကြည် လေးလေးစားစား ပူဇော်ပါ။
မြတ်စွာဘုရားရှင်၏ ဂုဏ်တော် ကျေးဇူးတော်များ၊ ဘုရားရှိခိုးစာများဖြစ်သည့်အလျောက် အကျိုးများသဖြင့် သာမန်ကာလျှံကာ မလုပ်မိဖို့ အရေးကြီးပါသည်။

အနက်အဓိပ္ပာယ်များကို သေသေချာချာ လေ့လာပွါးများပြီး ပူဇော်ပါ။ အဓိဌာန်အောင်သည့်နေ့တွင် မိမိအတွက် လိုရာဆုတစ်ဆု၊ မိမိ၏ဆွေမျိုးသားချင်းများအတွက် လိုရာတစ်ဆုနှင့် တိုင်းပြည်နှင့်သာသနာတော်ကြီးအတွက် လိုရာဆုတစ်ဆုတောင်းပါ။

၅/၁ - နတ်မင်းကြီးလေးပါး အစောင့်အရှောက်ကိုယူသော ဂါထာ - ၄ ခေါက်
ဝိပဿီ၊ သိခီ၊ ဝေဿဘူ၊ ကကုသန္န၊ ကောဏာဂမန၊ ကဿပ၊ ဂေါတမ မြတ်စွာဘုရားရှင်တော်တို့အား ရိုသေမြတ်နိုး ရှိခိုးပါ၏။
ပုရတ္ထိမေန ဓတရဌော၊ ဒက္ခိဏေန ဝိရူဠကော
ပစ္ဆိမေန ဝိရူပက္ခော၊ ကုဝေရော ဥတ္တရံ ဒီသံ။
စတ္တာရော တေ မဟာရာဇာ၊ လောကပါလာ ယသတိတော
တေပိ အမှေ နုရက္ခန္တု၊ အရောဂေန သုခေနစ။

၅/၂ - တံတိုင်း ၇ ထပ် ဂါထာတော် - ၃ ခေါက်
သိဒ္ဓိ ဘဂဝါ အရဟံ ဗုဒ္ဓေါမေ သတ္တပါကာရံ၊ ဗုဒ္ဓံ သရဏံ ဂစ္ဆာမိ။
သိဒ္ဓိ ဘဂဝါ အရဟံ ဓမ္မောမေ သတ္တပါကာရံ၊ ဓမ္မံ သရဏံ ဂစ္ဆာမိ။
သိဒ္ဓိ ဘဂဝါ အရဟံ သံဃောမေ သတ္တပါကာရံ၊ သံဃံ သရဏံ ဂစ္ဆာမိ။

၅/၃ - ပထဝီဇယ ဂါထာတော် - ၄ ခေါက် (အမှုအခင်းနိုင်)
ပထဝီ ဗလ သုန္နရီ၊ သဗ္ဗညု ဗောဓိမဏ္ဍလေ။
အသင်္ချေယျံ မာရသေန၊ ဇယော ဇယတု မင်္ဂလာ။


နတ်မင်းကြီးလေးပါး အစောင့်အရှောက်ကိုယူသော ဂါထာ အနက်
ဝိပဿီ၊ သိခီ၊ ဝေဿဘူ၊ ကကုသန္န၊ ကောဏာဂမန၊ ကဿပ၊ ဂေါတမ မြတ်စွာဘုရားရှင်တော်တို့အား ရိုသေမြတ်နိုး ရှိခိုးပါ၏။
အရှေ့အရပ်မျက်နှာ၌ တန်ခိုးကြီးသောဂန္ဓဗ္ဗနတ်တို့ကိုအစိုးရသော ဓတရဌနတ်မင်း
တောင်အရပ်မျက်နှာ၌ တန်ခိုးကြီးသောကုမ္ဘဏ်တို့ကို အစိုးရသော ဝိရူဠကနတ်မင်း
အနောက်အရပ်မျက်နှာ၌ တန်ခိုးကြီးသော နာဂ နဂါးတို့ကို အစိုးရသော ဝိရူပက္ခနတ်မင်း
မြောက်အရပ်မျက်နှာ၌ တန်ခိုးကြီးသော နတ်ဘီလူးတို့ကို အစိုးရသော ကုဝေရခေါ် ဝေဿဝဏ် နတ်မင်း အစရှိသော နတ်မင်းကြီးလေးယောက်တို့သည် လူတို့ကို စောင့်ရှောက်တတ်ကုန်၏၊ များပြားသောအခြွေအရံလည်း ရှိကုန်၏။ ထိုနတ်မင်းကြီးတို့သည် အကျွန်ုပ်တို့အား အနာမရှိ ပကတိကျန်းမာအောင် စောင့်ရှောက်ကြပါစေကုန်သတည်း။

တံတိုင်း ၇ ထပ် ဂါထာတော် အနက်
လောကီလောကုတ် နှစ်ဖြာအကျိုးတို့ဖြင့် ပြည့်စုံစေတတ်တော်မူသော၊ ဘုန်းတော်ခြောက်ပါးနှင့် ပြည့်စုံတော်မူသော၊ ကိလေသာ အညစ်အကြေးမှ ကင်းစင်တော်မူတော် မြတ်စွာဘုရားရှင်၏ ဂုဏ်တော်ကျေးဇူးတော်ကြောင့် တပည့်တော်သည် ရန်အပေါင်းမှ ဝဲယာရှေ့နောက် ထက်အောက်ဝန်းကျင် တံတိုင်း ၇ ရပ် ကာရံထားသည့်အသွင် လုံခြုံနွေးထွေးပါစေသတည်း။ မြတ်စွာဘုရားရှင်အား ကိုးကွယ် အားထားရာ၊ ပုန်းအောင်းမှီခိုရာအဖြစ် မှီဝဲဆည်းကပ် သိမှတ်ပါ၏။

ရှင်တော်ဟောကြား မြတ်တရားများ၏ ဂုဏ်ကျေးဇူးကြောင့် တပည့်တော်သည် ရန်အပေါင်းမှ ဝဲယာရှေ့နောက် ထက်အောက်ဝန်းကျင် တံတိုင်း ၇ ရပ် ကာရံထားသည့်အသွင် လုံခြုံနွေးထွေးပါစေသတည်း။ တရားတော်မြတ်အား ကိုးကွယ် အားထားရာ၊ ပုန်းအောင်းမှီခိုရာအဖြစ် မှီဝဲဆည်းကပ် သိမှတ်ပါ၏။

သင်္ချာလေးပါး အပြားရှစ်ဖော် သံဃာတော်တို့၏ ဂုဏ်ကျေးဇူးကြောင့် တပည့်တော်သည် ရန်အပေါင်းမှ ဝဲယာရှေ့နောက် ထက်အောက်ဝန်းကျင် တံတိုင်း ၇ ရပ် ကာရံထားသည့်အသွင် လုံခြုံနွေးထွေးပါစေသတည်း။ သံဃာတော် အရှင်သူမြတ်အပေါင်းအား ကိုးကွယ် အားထားရာ၊ ပုန်းအောင်းမှီခိုရာအဖြစ် မှီဝဲဆည်းကပ် သိမှတ်ပါ၏။🙏🏽🙏🏽🙏🏽

ပထဝီဇယ ဂါထာတော် အနက်
ဗောဓိမဏ္ဍ လေ – ဗောဓိပင် ထက်ဝန်းကျင်၌၊ အသင်္ချေယျံ – မ ရေမတွက်နိုင်သော၊ မာရ သေနံ – မာရ်နတ်ဘက်သား စစ်သည်များကို၊ ပထဝီဗလ သုန္ဒရီ – မြေထုမခြား ကြီးမားလွန်မင်း ကောင်းမြတ် သော သည်းခံခြင်း ရှိ တော်မူ သော၊ သဗ္ဗညူ – မြတ်စွာဘုရားသည်၊ ဇ ယော – အောင်မြင်တော်မူခဲ့လေပြီ၊ တထာ – ထို့အတူ၊ မေ – အကျွန်ုပ်အား၊ မင်္ဂလံ – အောင်ခြင်းမင်္ဂလာသည်၊ ဇယတု – ဖြစ်ထွန်း အောင်မြင် ပါ စေသတည်း။