Agjencia hapësinore NASA në kërkim të jetës jashtëtokësore në hapësirë-(6 Mars 2009)

Описание: Lajme Arkiva 2009

A jemi të vetëm? Kjo është pyetja që na ka munduar prej kohësh e së cilës Agjencia Amerikane e Hapësirës, NASA, synon t’i japë përgjigje.

Të premten ajo do të lançojë misionin e parë për kërkimin e planetëve të tjerë si toka dhe jetës në hapësirë.

Shkencëtarët do të mbajnë frymën teksa anija Kepler, e pajisur me teleskopin më të madh të prodhuar ndonjëherë, do të ngrihet në hapësirë nga baza e Floridës.

Nëse gjithçka shkon mirë, atëherë Kepler do të qëndrojë 3 vjet e gjysmë në hapësirë duke monitoruar 100 mijë yje në galaksinë tonë pranë konstelacioneve Lira dhe Cignus.

Teleskopi nuk do të marrë fotografi normale, por tepër të detajuara në varësi të shkëlqimit të yjeve, të cilat do të fotografohen për disa orë rresht për të parë ndryshimin më të vogël.

Nëse një planet kalon para yllit atëherë drita e tij do të zbehet për 12 orë. Kjo do të ndihmojë edhe në përcaktimin e madhësisë orbitale të planetit, masës dhe temperaturës.

Është njësoj sikur të masësh një mushkonjë që e shikon me dritat e makinës. Megjithatë NASA thotë se nuk është kaq e lehtë, sepse ylli më I afërt është mijëra vite larg./tvklan.al

Gazetare: Urita Dokle

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/