#GPCup23

Описание: Հունիսի 20-ին Գեղարքունիքի մարզի Գագարին ավանի բացօթյա մարզադաշտում կայացավ «ԴԱՐ» տարածաշրջանային զարգացման և մրցունակության հիմնադրամի Գագարին Նախագծի Gagarin Project Cup 2023 ամենամյա ֆուտբոլային փառատոնը: Այս տարի այն հյուրընկալել էր նաև ազգային պարերի «Պարատոն»-ը, որը երգով և շուրջպարով միավորեց մրցող թիմերին և ներկաներին:

Խաղային մրցաշարին մասնակցում էին Գագարին Նախագծում ընդգրկված Գագարին ավանի, Գեղամավան, Դդմաշեն, Զովաբեր, Ծաղկունք, Վարսեր գյուղերի ֆուտբոլային թիմերը, ինչպես նաև՝ հրավիրյալ թիմեր Երևանից, Սևանից, Հրազդանից, Ոսկեվազից, Շնողից, Թեղուտից (Տավուշի մարզ) և «Մխիթար Սեբաստացի» կրթահամալիրից։

Մրցաշարը վարում էր սիրված հաղորդավար Եգոր Գլումովը (Գոռ Գրիգորյան), ներկա էին և մրցանակներ հանձնեցին «Նոահ» ֆուտբոլային ակումբի մարզիչ Ռոբերտ Արզումանյանը, «Արարատ-Արմենիա» ակումբի դարպասապահ Արսեն Բեգլարյանը, «Արտեր» էկոլոգիապես մաքուր սննդի բրենդը, այլ հրավիրյալ հյուրեր ու գործընկերներ:

Մրցաշարին ազգային երաժշտության ու պարերի ռիթմ հաղորդեց «ԿԱՅԹ» կրթամշակութային հանգույցի և «Թագպար» նախագծի «Պարատոն»-ը՝ գյուղերի երիտասարդների մասնակցությամբ։ Սպորտային խաղերի ընդմիջումներին ներկաները մասնակցում էին նաև ազգագրական խաղերին` համադրելով մարզաձևը ազգային ավանդույթի և արժեհամակարգի հետ:

Մրցաշարի արդյունքները
9-11 տարեկաններ
Կիսաեզրափակիչ դուրս եկան`
Հրազդան, Գագարին, Սևան, «Մխիթար Սեբաստացի» թիմերը
Հաղթող` Հրազդանի թիմ

12-13 տարեկաններ
Կիսաեզրափակիչ դուրս եկան`
«Հայ Միտք» Ոսկեվազ, «Մխիթար Սեբաստացի», Դդմաշեն, Ծաղկունք թիմերը
Հաղթող` «Մխիթար Սեբաստացի» կրթահամալիրի թիմ

14-15 տարեկաններ - հաղթող` Սևան թիմ
Մեծահասակների մրցաշար - հաղթող` Գագարինի թիմ

Լավագույն խաղացողի անհատական մրցանակներ`
9-11 տարեկաններ
Հանդիսատեսի համակրանք - Գագիկ Խաչատրյան, «Մխիթար Սեբաստացի»
Լավագույն դարպասապահ - Վիգեն Բազեյան, Հրազդան
Լավագույն խաղացող - Դավիթ Գևորգյան, Հրազդան

12-13 տարեկաններ
Հանդիսատեսի համակրանք - Գոռ Յախանյան, Դդմաշեն
Լավագույն դարպասապահ - Արթուր Սարյան, «Մխիթար Սեբաստացի»
Լավագույն խաղացող - Արամ Խաչատրյան, «Մխիթար Սեբաստացի»

14-15 տարեկաններ
Հանդիսատեսի համակրանք - Դավիթ Ալիխանյան, «Հայ Միտք» Շնող
Լավագույն դարպասապահ - Դավիթ Հակոբյան, Սևան
Լավագույն խաղացող - Ալբերտ Գրիգորյան, Սևան

Մեծահասակների մրցաշար
Լավագույն դարպասապահ - Ռոբերտ Այվազյան, Գագարին
Լավագույն խաղացող - Հայկ Սարգսյան, Գագարին

Շնորհավորում ենք բոլոր մասնակիցներին և հաղթողներին, շնորհակալություն հայտնում բոլոր գործընկերներին և ներկաներին` այս մարզական տոնն իրականություն դարձնելու և լուսաբանելու համար:


+37410501500 | [email protected]
www.gagarinproject.am | www.facebook.com/GagarinProjectOfficial