Елордада есірткі саудасына барған студент 8 жылға сотталды

Описание: Елордада есірткі саудасына барған студент 8 жылға сотталды. Осылайша, оңай олжаға кенелемін деген жас жігіт ақыры заң алдында жауап берді. Бұл оқиға – өзгелерге сабақ болуы үшін сахналанған сот процесінің негізіне айналды. Астана қаласы әкімдігі мен прокуратурасының ұйымдастыруымен, «Заң мен Тәртіп» қағидаты аясында жергілікті университетте симуляциялық сот өтті.
Соттағы барлық рөлді студенттер өздері сомдады. Қорғаушы, мемлекеттік айыптаушы, тіпті куәгерлер де – осы аудиторияның өз ішінен. Осылайша болашақ мамандар қылмыстық істің қалай қаралатынын өз көзімен көріп, заңның салмағын сезінді. Сценарий – жастар арасындағы ең өзекті қылмыстардың бірі, есірткі саудасына негізделген.Осылайша студенттерге жеңіл ақша – ауыр жазаға әкелетіні көрсетілді.

СҰЛТАН ЕРУБАЙ, Астана қаласы Сарыарқа аудандық прокуратурасының бөлім прокуроры:
Бүгін біз студенттермен бірлесе отырып, есірткі заттарын өткізуге қатысты іс бойынша симулициялық сот процесін өткіздік. Біздің мақсатымыз Қазақстан Республикасының сот талқылауының іс-жүргізу қалай өтетінін және есірткі заттарын өткізу қандай қылмыстық жауапркершілікке әкеп соғатынын және мұндай қылмыстарды қоғамдық қауіптерінің қаншалықты жоғары екендігін көрсету болды.
Іс-шараның тағы бір ерекшелігі – мектеп оқушыларының онлайн форматта қосылуы. Бұл алдын алу жұмысын тек студенттермен шектемей, жасөспірімдерге де жеткізуге мүмкіндік берді. Процесс барысында айып тағу, дәлел келтіру, қорғау мен үкім шығару кезеңдері толық қамтылды. Осылайша, көрермен тек бақылаушы емес – ой түйген қатысушыға айналды.

АЯУЛЫМ ӘСЕМХАН, студент:
Алдағы уақытта қайталанбас үшін, бізге сабақ болу үшін бізге осындай судебный процестерді көп өткізу керек деп ойлаймын.+ Себебі алдағы уақытта студенттер ойланып, ондай іске бармас үшін және де қазіргі таңда студенттер үшін ең бастысы жұмыс емес оқу керек деп ойлаймын.
Мамандардың айтуынша, мұндай форматтағы ашық сот процестері – құрғақ ескертуден әлдеқайда әсерлі. Себебі көзбен көрген адам ғана қорытынды шығарады.

#Информбюро #сот #есірткісауда #Новости #31канал