جفران بن هضبان & دخيل الله الجروي - خلوني اسج في نجد الفقار الوسيع 2024 حصرياً
Автор: اهتمام
Загружено: 2024-07-30
Просмотров: 41293
Описание:
خلوني في نجد الفقار الوسيع
خلوني اسج في نجد الفقار الوسيع
اللي يوافق هواي وخاطري يطربه
لون حره حميم ولو برده صقيع
مايمنع اني احبه واعشقه وارغبه
اشوف ماله حلي في صيف ولاربيع
واشوف ماله على وجه البصيطه شبه
سيطر علي مثل ماصيطر عليه الفديع
اللي مثل طارق بن زياد في قرطبه
تاخذني الغطرسه لاقصى الشموخ الفضيع
من دافع الافتخار وقوة الموهبه
وان جا لزوم بن عمي كل صعبٍ يطيع
ولعينه الشعر اصوغه وانظمه واكتبه
يمال للعز ياحفلٍ مقامه رفيع
لنا ليالي وحنا موعده نرقبه
يامرحبا وارحبو حياكم الله جميع
عند بن حضرم وريث الطيب ومعزبه
محمد اللي لكسب المرجله يستطيع
يقدم على كل علمٍ طيب ويكسبه
محزمٍ ظفر دايمٍ ماهوب محزم ذريع
والحمل لامن ثقل حطه على منكبه
واخوانه ادهاه مافيهم ضعيف وضيع
كل ابلجٍ هيلعي وعاليٍ منصبه
اسيوف عزٍ تنومس ذخر سيف وريع
عودٍ على دينه ولايختلف مذهبه
نطلب من الواحد الحي البصير السميع
عساه فالجنه اعلى منزل ومرتبه
واغلى التباريك واجل التهاني نذيع
للمعرس الله يبارك له ولايذهبه
عبدالله اللي تمثنى الرجل في كل ريع
ولا ارتكى غير فوق القمه المرقبه
نجمٍ تجلى وجاله في مداره لميع
والجدي مافيه شي في السماء يحجبه
ابو محمد شهر طيبه وصيته يشيع
صبيٍ معى طيب راسه طيبٍ منسبه
من شبته وافي وفيه الثناء مايضيع
اعلومه امجمله وافعوله امجربه
ذخاير مناحي الرمز العقيد الشجيع
الاسم يامطيبه والفعل يامطيبه
ذاك المحلحل يحلحل فالنهار الشنيع
كم فارسٍ يحتمي فنجاله ويشربه
لامن تعزوى يعشي كل ذيبٍ جويع
يحول بسيفه اللي فالنحر مضربه
من مقدم العزوه اللي مثل حصن منيع
من يتقي في ذراها الخوف مايقربه
الاد بن جاري لاجا لسوق الاعمار بيع
اتطب فالمعركه والموت ماتحسبه
دقلاتهم توجع ومنها يشيب الرضيع
واللي يطاول حماهم مايطول اشنبه
في ظفهم تامن الوضحا الشناح القريع
ان كانها مشملها وان كنها مجنبه
ال لجرو سطرو مجدٍ تليد بديع
وتاريخهم حافل وصفحته عن مكتبه
يتلون شيخٍ على حفظ الوداعه وديع
بجاد وبجاد ماجته المشيخه هبه
مابين قبلان ابوه وبين جده جديع
خذا من المجد اعزه واشهره واطيبه
لا للجرو حزة الميقاف راسٍ بتيع
والاد بن جاري اعصابته فالموجبه
وعند قحطان وعبيده له مقام وصنيع
يعطيه راع الطلب قدام لايطلبه
في كل يومٍ يبوج الجيب خطٍ سريع
يامخلصٍ مشكله ولا يفك ارقبه
كلمات :
دخيل الله الجروي
اداء :
جفران بن هضبان
تنفيذ :
اهتمام الدوسري
..
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : اهتمام الدوسري
______________________
للتواصل والاستفسارات :
الحسابات الرسمية لـ قناة اهتمام الدوسري .
SNAPCHAT : P.5BF
Whatsapp : 050 608 9787
#خلوني_اسج
#في_نجد_الفقار_الوسيع
#جفران_بن_هضبان
Повторяем попытку...
Доступные форматы для скачивания:
Скачать видео
-
Информация по загрузке:
