વલસાડ નગરપાલિકાની બેદરકારી છીપવાડમાં બે મહિના પહેલા બનેલો ડામરનો રોડ પીગળવા લાગ્યો,વાહન ચાલકો પરેશાન

Описание: વલસાડ નગરપાલિકાના પ્રી-મોન્સૂન પ્લાનિંગની વાતો તો બાજુ પર રહી, પણ અહીં તો પ્રી-સમર (ઉનાળા) માં જ પાલિકાની કામગીરીના લિરેલિરા ઉડી રહ્યા છે. વલસાડના છીપવાડ વિસ્તારમાં કરોડોના ખર્ચે બનેલો રસ્તો ગરમી પડતાની સાથે જ પીગળવા લાગ્યો છે. માત્ર બે મહિના પહેલા જ જે રસ્તો વાહનચાલકોની સારી સુવિધા માટે બન્યો તે આજે વાહનચાલકો માટે મુસીબત બની ગયો છે. સત્તાધીશો હવે મીડિયાના કેમેરા સામે આવવાનું તાળી રહ્યા છે 


વિઓ 01 : આ દ્રશ્યો છે વલસાડના વ્યસ્ત એવા છીપવાડ વિસ્તારના. જ્યાં રસ્તો જોઈને તમને લાગશે કે અહીં ડામર નહીં પણ જાણે કાળું તેલ રેડવામાં આવ્યું હોય! ઉનાળાની હજુ તો માંડ શરૂઆત થઈ છે ત્યાં અંદાજે 1 કિલોમીટર સુધીનો નવો નક્કોર રસ્તો પીગળવા માંડ્યો છે. સ્થાનિકોએ અનેક રજૂઆતો કરી ત્યારે માંડ બે મહિના પહેલા આ રસ્તો બન્યો હતો, પણ પાલિકાએ એવી તો કેવી ગુણવત્તા જાળવી કે બે મહિનામાં જ રસ્તાએ દમ તોડી દીધો?


બાઈટ : સમીર મપાર વેપારી એસોસિએશન પ્રમુખ 


બાઈટ : શિવલાલ મેવાડ ઉપપ્રમુખ વેપારી એસોસિએશન 


વિઓ 02 : રસ્તો પીગળવાને કારણે ડામર વાહનોના ટાયરમાં ચોંટી રહ્યો છે, જેના લીધે અનેક વાહનચાલકો સ્લિપ થઈ રહ્યા છે.સાથે રસ્તા પર થી ચાલતું જવું પણ મુશ્કેલ બન્યું છે કારણ કે ચાલતા વ્યક્તિઓની ચંપલ પણ આ ડામરમાં ચોંટી રહી છે  સ્થાનિકોનો આક્ષેપ છે કે કોન્ટ્રાક્ટર અને પાલિકાના મેળાપીપણામાં હલકી કક્ષાનું મટીરિયલ વાપરવામાં આવ્યું છે. જનતાના પરસેવાની કમાણીનો ડામર આજે રોડ પર વહી રહ્યો છે, પણ તંત્રના પેટનું પાણી હલતું નથી.ત્યારે આ સમગ્ર મામલે ઝી મીડિયાની ટિમ દ્રારા પાલિકાના સતાધીશોને સવાલ કરવા પોહચી તો તેઓ દ્રારા મીડિયા સામે બોલવાનું તાળીયું હતું 


બાઈટ : પ્રદીપ ભાઈ સ્થાનિક 


વિઓ 03 : છીપવાડની જનતામાં ભારે રોષ જોવા મળી રહ્યો છે. લોકો પૂછી રહ્યા છે કે શું આ રસ્તો ફરીથી બનાવવામાં આવશે? કે પછી દર વર્ષની જેમ આ વખતે પણ ભ્રષ્ટાચારના ડામર નીચે જનતાના અવાજને દબાવી દેવામાં આવશે? જો વહેલી તકે આ રસ્તાનું સમારકામ નહીં થાય, તો આગામી દિવસોમાં સ્થાનિકો ઉગ્ર આંદોલન કરવાની ચીમકી ઉચ્ચારી રહ્યા છે.