Karnaval di promé ora - Grupo Serenada, Siman di Kultura Kòrsou 3-10-2025 Sentro di Bario Brievengat

Описание: Karnaval di promé ora - Grupo Serenada, Siman di Kultura Kòrsou 3-10-2025 Sentro di Bario Brievengat

=-=-=-=-=-=-=-=-=-=-=-=-=-=-=-=-=-=-=-=-=
https://pap.wikipedia.org/wiki/Harry_...
↓ ↓ ↓ ↓ ↓
Henri Raoul (Harry) Moen (☆ 1955 na Kòrsou), ta un músiko di Kòrsou. Desde añanan 1970 el a dediká su mes na redeskubrí i promové e herensia musikal di Kòrsou, spesialmente su ritmonan, estilo, klave i uso di idioma papiamentu.

Bida i karera
Harry Moen a nase na Kòrsou, yu di Irma M.J. Römer i Adriaan Jan Moen. E tin dos ruman muhé i kuater ruman hòmber. E no a haña e músika for di un hende straño komo su mama tabata dirigí e kor hubenil Coromoto-Santa Familia. Komo hòben, Moen tabata kantante den kor di Frank Francisca Párajos. El a sigui su estudio di músika na e Konservatorio di Puerto Rico, kaminda el a graduá ku honor na 1983.

Ya promé ku el a bai studia kaba, el a funda e kor Grupo Serenada na 1974/1975, komo resultado di un renasementu di interes den músika típiko folklóriko di Kòrsou. E base a wòrdu formá dor di e grupo di rock (Twilight Zone and Company), ku integrantenan manera Eric Calmes, Cedric Dandaré, tokadó di drùm Axel Prudencia i organista Raffi Pichardo. Moen tabata lider musikal i responsabel pa e areglonan di Grupo Serenada.[1] E agrupashon tabata enbolbí den e musikal Godspell i den e show 'Serenada' ku kantikanan antiano. Di esey a derivá e nòmber di e kor nobo, ku kual Moen kier a sigui promove kultura musikal antiano di antaño. Pa hasi esei, e mester a buska eksponentenan di e kultura i kanto ei for di e seno di por ehèmpel seú i tambú, pero tambe poetanan na Papiamentu. E agrupashon musikal a lansa, entre otro, e disko kompakto Laman, den kua ta kanta un kansion a capella, den otro kansionnan tin akompañamentu ku instrumentonan musikal típiko manera kuarta i wiri. Ku e grupo el a hasi un gira den Karibe i uno na Hulanda na 1993.

Na 1993, Moen, na edat di 38 aña, a wòrdu otorgá e Premio Cola Debrot (1.500 florin antiano) pa su kontribushon na e (re)deskubrimentu di músika kurasoleño.[2] El a risibí e premio na Lanthùis Sorsaka serka gezaghebber Elmer Wilsoe. Despues di e presentashon, Serenada a interpretá un kantidat di kansion di Augusto Gressman, Guillermo Pieters, Horacio Hoyer, Walter de Jongh i Emilio Prudencia. Finalmente, Unda bosonan a keda pa René Clemencia i Hendrik Anzola a sigui.[2] E siguiente aña, Moen a forma parti di e hurado pa e premio; Lucille Berry-Haseth tambe tabata miembro di hurado.

Moen a traha den enseñansa pa mas ku trinta aña, dunando les di músika na Peter Stuyvesant College.[1] Den siglo 21 el a organisá kaminatanan musikal i ta duna charla riba historia antiano, tantu relashoná ku músika òf nò. Na 2010 el a publiká e buki di historia di músika Tempu di Chinchirinchi: Bida i Muzik den Otrobanda 1900-1920.[3] Na 2023 el a wòrdu otorgá e Premio Kultural di PBCCG pa su kontribushon na desaroyo musikal na Kòrsou ku un énfasis grandi riba músika folklóriko na papiamentu.[4]

Moen ta kasá ku Claire Marugg, kende tambe ta enbolbí den músika komo integrante di Grupo Serenada.

Referensia
E artíkulo aki òf un vershon anterior di dje ta un tradukshon di e artíkulo Harry Moen riba e Wikipedia hulandes, ku ta kai bao di e lisensia Creative Commons Attribution/Share Alike. Mira e historia di edishon einan.
Serenada-concert in Fortkerk. Amigoe (14 mei 1992). Konsultá dia 14 yüli 2024.
Ieteke Witteveen, Cola Debrotprijs naar Harrie Moen van Serenada. Amigoe (24 yüni 1993). Konsultá dia 14 yüli 2024 – via delpher.nl.
Liedboekjes met liedjes van eigen composities, Archivo Nashonal Kòrsou
PBCCcaribbean (konsultá 27 april 2024)
Lista di fuente
Redactie, Harrie Moen ontvangt Cola Debrotprijs. Amigoe (30 yüni 1993). Konsultá dia 27 aprel 2024 – via delpher.nl.