Nexhat Mujovi Wirusi - ProSound Recording Studio - Tetovë

Описание: Eksklusive për RTV Zeri i Kosovës - Danimarkë

Në Tetovë gjindet studioja muzikore më e mirë në Ballkan.

Duke iu falenderuar Nexhat Mujovit, i njohur si Wirusi, në Tetovë kemi sot studion muzikore ProSound Recording Studio. Sipas ekspertëve të muzikës është një nga studiot muzikore më të mira në rajon.

Kjo studio e famshme përbëhet nga dy studio. Një analoge dhe tjetra analoge dhe digjitale si dhe studioja ku bëhet editimi i këngëve. Përvec studiove përshtypje e madhe krijohet edhe nga arkivi i pasur i Nexhat Mujovit, që sigurisht se është një histori në vete.

ProSound Recording Studio tingëllon edhe më interesant kur të merret parasysh kontributi me plot pasion i Nexhatit në skenën muzikore shqiptare. Ky kompozitor, producent dhe muzikant virtuoz, njëherit edhe fitues i shumë çmimeve të ndryshme muzikore, ka kompozuar deri më sot rreth 4.000 këngë, qindra albume, muzikë për festivale të fëmijëve, muzikë për teatër, filma si dhe ka kontribuar dukshëm në modernizimin e muzikës popullore, pop muzikës dhe rock muzikës.

Për shumicën e estradës muzikore shqiptare çelsi i suksesit gjindet në ProSound Recording Studio. Këtë e dëshmojnë edhe një numër i madh i super hiteve të estradës tonë muzikore, të cilat kanë kaluar nëpër duart dhe kreativitetin e pashoq të këtij gjeniu të skenës muzikore shqiptare.

Suksesi i Nexhat Mujovit daton që nga fundi i viteve të 80-dhjeta. Ai që atëherë është person kyç dhe ikonë e rock grupit tetovar Elita 5. Me shumë përkushtim dhe ambicje të jashtëzakonshme, Nexhati bashkë me shokët e ngushtë të grupit Elita 5 kanë arritur që këtë rock bend ta shëndrojnë në një nga rock grupet më të dashura në trevat shqiptare.

Nexhat Mujovi ka një respekt të jashtëzakonshëm ndaj diasporës shqiptare dhe arritjet e shqiptarëve atje. Ky ishte edhe shkaku që për herë të parë ekskluziviteti i pamjeve të detajuara të studioeve dhe arkivës iu besua RTV Zëri i Kosovës me seli në Danimarkë.

Realizoi: Ixhet Lutfiu

RTV Zëri i Kosovës - Danimarkë

www.rtvzeri.com
[email protected]