Steff la Cheffe - Chrieg i dim Chopf (Live-Version)

Описание: Song «Chrieg i dim Chopf» vom Album «Vögu zum Geburtstag»
► https://bkra.lnk.to/VoeguZumGeburtstag


Mehr Infos:
Facebook:   / stefflacheffe  
Instagram:   / stefflacheffemusic  
Webpage: http://www.stefflacheffe.ch

YouTube Kanal abonnieren: http://bitly.com/BakaraMusicYT

Regie und Schnitt: Alain Guillebeau
Kamera: Tom Bernhard, Philipp Eyer, Debora Veliz, Karin Schmid, Alain Guillebeau
Ton: Nicolas Januzzo - http://www.blaustichfilm.ch


Lyrics zum Song «Chrieg i dim Chopf»

STROPHE
I gibes zue, es tuet mir leid,
I ha mi früecher gschämt
I ha mi quäut, i ha mi gfragt,
Was villech d Lüt de dänke.

Du bisch mir es Rätsu gsi
Wines Schloss mit sibe Sigle,
Du scho denn Kämpfer gsi,
Sehr vrschlosse, geng vrschwige

Glich hani glehrt Geduud z’ha,
U glich hanis akzeptiert
Glich hani di i Schutz gno
U glich hani ne doch gliebt

I ha di Schtarchi gschpiut,
So wine grossi Schwöschter
Mir si erwachse worde
Und itz bisch du dr Gröscht

PRECHORUS
Chrieg i dim Chopf
U Schlachte i dim Zimmer
Du regiersch i dim Troum
Ir Nacht bisch du e King

Es git e Zyt zum kämpfe
Es git e Zyt zum liebe
Es git e Grund wrum mir läbe
U mir aui hie si.

REFRAIN
Di Wäut ghört nume mir und si ghört mi ou.
Mini Zyt isch do, da i mir Zyt ha gno.
Und kei Horizont begränzt mi Wäg.
Bi ändlos, bi zytlos und läbe miner Täg.

STROPHE
Blaskappäue, Marching Band,
Pathos wi dr Michael Jackson
Epochau wi dr Emmerich,
Drama, Leid u Heudegschichte

Du liebsch so Züg,
Du ziehsch drs ine bis am Morge früeh
Du hesch so Schüb, du liidisch mit,
Du fiirsch di grosse Gfüuh.

Und i gseh, wis di fasch vrjagt
Und i gseh, wis di fasch vrriisst
U i gseh wis di aube packt
U i gseh wi du di vrbiissisch

Schlahsch dr ufe Bruschtchaschte
Seisch du sigsch e schtarche Mah
Mir söue üs ke Sorge mache,
Du chämsch scho elleini klar.

PRECHORUS
Chrieg i dim Chopf
U Schlachte i dim Zimmer
Du regiersch i dim Troum
Ir Nacht bisch du e King

Es git e Zyt zum kämpfe
Es git e Zyt zum liebe
Es git e Grund wrum mir läbe
U mir aui hie si.

REFRAIN
Di Wäut ghört nume mir und si ghört mi ou.
Mini Zyt isch do, da i mir Zyt ha gno.
Und kei Horizont begränzt mi Wäg.
Bi ändlos, bi zytlos und läbe miner Täg.

STROPHE
Hüt bini schtouz uf üs,
Schtouz uf mi, schtouz uf di
Mir heis gschafft,
Ja o mir hei üs Erfoug vrdient

Du hesch mr glehrt,
Dass es gliich isch was di angre dänke
La se luege, la se lache,
La se au la läschtre

Du hesch mr zeigt,
Dass es äbe o mau Krise git
Ds Läbe nid geng easy,
S aber wägedäm ke miesi Bitch isch

Du hesch mr glehrt wime kämpft,
Wime zu däm schteiht,
Wär me isch, was me liebt
U das o verteidigt

PRECHORUS
Chrieg i dim Chopf
U Schlachte i dim Zimmer
Du regiersch i dim Troum
Ir Nacht bisch du e King

Es git e Zyt zum kämpfe
Es git e Zyt zum liebe
Es git e Grund wrum mir läbe
U mir aui hie si.

REFRAIN
Di Wäut ghört nume mir und si ghört mi ou.
Mini Zyt isch do, da i mir Zyt ha gno.
Und kei Horizont begränzt mi Wäg.
Bi ändlos, bi zytlos und läbe miner Täg.


Copyright Bakara Music 2015