ذيول ايران // اقوة رد على ذيول ايران ثورة اكتوبر العراقية

Описание: اريد أوصل رسالة وحده بس. مو كل واحد طلع برة العراق معناتها عاف كاعة و خانها. احنى انساند ثم انساند ولد شعبنا. كل واحد طالع برة العراق طلع علمود ينهزم من هذي الحكومة. ويوم يثور الشعب واجب على انسان عراقي يثور وي الشباب الحرة. اني طلعت و عمري 11 سنة من العراق و كلشي ما شفت منه والى الان ما اكدر ارجعلة بسبب ذيول ايران. رغم هذا ما ساكت و رغم هذا راح نحاول بينا ما بينا انوصل صوت الشعب.


سوينا رابط للي يحب يدعم القناة علمود نستمر و انزل اعمال اكثر و تنطونا حافز نسوي محتوى اقوة
https://paypal.me/pools/c/8uDD9eKYlU

كلمات الاغنية
انموت عشرة انموت مية انا قافل عالقضية
ما شفنا حتى سلم يوم الصحنا بي سلمية
وين الروس الطلعت وين كلمن شد اعمامة ولحيه
معقولة المات بدمه يمنا ميهز اي قدسية

لا شيعي انا لا سني عراقي و حقي اريدة
لو كنا كلنا غلط ليش تهزكم كم تغريدة
سلميه صحنا كومه سلمية نبقى انصيح
نوكف مية لو من عدنا واحدنا راد ايطيح

شهادة جتي بتعب لم اطلعنا الحق انردة
ليش اتردني بطلقة بيوم جيتك شايل علم و وردة
لا نكدر نبقى ابلد لا نكدر منه نهاجر
لا نكدر نطلب حقنا لا ندري انعيش لباجر

انطونا بس كرامه واخذوها للجنسية
لا طالبنا بكومة قصور كل الردنا بس حرية
سلمية صحنا كومة تالي اني صرت الجاني
كدرتو بس عليه لني ماني ذيل ايراني
..............

لك خبلتو العاقل بينه اكتمتو كلمن طلع حسه
تروحو فدوة لقطعة خبزة اتوزعت ما بدين الخرسه
راعبكم هذا المظهر شفتونا متحدين
ما وصيكم باجر طلعو سمونا مندسين

تعرف ليش الجيش ايدافع للمظاهر ياهو الجان
لان حاول بيني يفرق كم اجريدي من ايران
ويطلع راس ايراني يكول هذي امريكا واسرائيل
فدنوب كول امريكا ورطت قابيل بهابيل

ما ضلت دمعة بعين ويبقى هالعلم مرفوع
دموعي خلصن بالمهد شينفع يا مسيل دموع
كالو جيل سبونجبوب مو جيل انتو ابطال
انتو حتى الطفل بيكم لمن ينولد رجال

كون الغيرة الطلعت داعش كون اتثور بسن وعين
كون ايثور القلم الصامت واحرك بيكم كل اوراقي
حلمنا شكد بسيط لكن منه محرومين
كون الحاكم مو ايراني انريد الحاكم بينا عراقي