გვანცა დარასელია ფონდYour Forest-ის საზოგადოებრივ კამპანიას შეუერთდა "დაიცავი შენი ტყე!"

Описание: "რუსთავი2"-ის თოქ-შოუს "სხვა შუადღის" წამყვანი გვანცა დარასელია ფონდYour Forest-ის საზოგადოებრივ კამპანიას "დაიცავი შენი ტყე!" შეუერთდა
საქსტატის მონაცემებით, ბოლო 15 წელიწადში 600 ათასი ჰექტარი ტყე განადგურდა, არსებული ტყეების თითქმის 1/4 . საქართველოში ტყეების დაახლოებით 97 პროცენტი, თითქმის მთლიანად ფერდობებზეა განთავსებული და ნიადაგდაცვით, წყალდაცვით,წყალმარეგულირებელ ფუნქციას ატარებს. ტყის შემცირება იწვევს: კლიმატის ცვლილებას, ტეირტორიების გაუდაუბნოებას, სასოფლო სამეურნეო მიწების უნაყოფობას, მასიურ სტიქიებს, ეკოლოგიურ კატასტროფებს, გზების დაზიანებას, რის შედეგადაც ათეულ ათასობით ადამიანი უსახლკაროდ აღმოჩნდება, დაზიანდება სასოფლო სამურნეო მიწები, სახელმწიფო კი ასეულობით მილიონის, ან მილიარდობით ზარალს მიიღებს.
ხე-ტყის უსისტემოდ გაჩეხვის შედეგად ბევრ ადგილას წყაროები უკვე დაშრა, მდინარეები შეიცვალა, ნებისმიერ რეგიონში პატარა ხევიც კი ღვარცოფული გახდა. ტყეები წყალმარეგულირებელ ფუნქციას ვეღარ ასრულებს.
მსოფლიო ბანკის მონაცემებით საქართველოში სტიქიური უბედურებების წარმოქმნის საფრთხე 5-20 პროცენტამდე მერყეობს. მათ მიერ გამოწვეული შესაძლო ზარალი 146 მილიონი დოლარიდან 3. 3 მილიარდ დოლარამდეა შეფასებული.
P.S შენი ტყე შენ გიცავს! მოუარე შენს ტყეს!