ევროკავშირის წევრები რუსეთისთვის სანქციების გასაგრძელებლად მზად არიან

Описание: ევროკავშირის წევრი სახელმწიფოები რუსეთისთვის ეკონომიკური სანქციების გასაგრძელებლად მზად არიან.

აღნიშნულ საკითხს ევროპის ქვეყნები მიმდინარე წლის დეკემბერში დაგეგმილ სამიტზე განიხილავენ.

გავრცელებული ინფორმაციით, ევროგაერთიანების წევრი ქვეყნები რუსეთის წინააღმდეგ სანქციებს კიდევ 6 თვით გაახანგრძლივებენ.

ევროკავშირი მოსკოვს ე.წ. შავი სიის გაუქმების წინაპირობად უკრაინასთან მიმართებით მინსკის შეთანხმების შესრულებას უსახავს. ბრიუსელში ფიქრობენ, რომ რუსეთი შეთანხმების პირობებს ბოლომდე არ ასრულებს.

ევროკავშირმა, უკრაინაში სიტუაციის დესტაბილიზაციის ბრალდებით, რუსეთის 150 მოქალაქეს, ასევე 37 კომპანიასა და ორგანიზაციას ანგარიშები გაუყინა და ევროკავშირის ტერიტორიაზე შესვლა აუკრძალა.