Mujhe Nasheb Main | Abbas Ali Arfi | Shame Ghareeba Noha 2025| 10 Muharram Noha 2025

Описание: Mujhe Nasheb Main | Abbas Ali Arfi | Shame Ghareeba Noha 2025| 10 Muharram Noha 2025

Sura e fateha
Alhaj Nawab Syed Md Taqi Khan
Wakt State Mohalla Kamra Chandwara Muzaffarpur Bihar

Related - New Noha Shaam E Ghareeba(ghareebo ki shaam) 1447/2025 | Muharram 1447 New Noha 2025, 10 Muharram Noha 2025
Reciter & Composition- Abbas Ali Arfi
Poetry - Janab Waiz Sultanpuri sb & Ali Raza Surani
Video & Production -@islampasandrakhna


LYRICS:-
Dhundne wali sakina ko jo nicli zainab
lashe shabbir per maqtal me jo pahuchi zainab
pass me jo jake yatima ke jo bethi zainab
apne ma jay pe sar peet ke roi zainab
ro chuki apne baradar ko jo binte haider
boli masoom sakina se chalo ai dukhter,

Yeh kehke Zainab e Muztar se roo paDi dukhya, Mujhe nasheb mei rehne doo ay phuphi amma
Main kaise choR duu baba ki laash ko tanha, Mujhe nasheb mei rehne doo ay phuphi amma

Yeh khud bhi jaan gaii huu main ek hazina huu
Meri na fikr karo ab main ek yateema huu
Abhi toh aur rulaaegi mujhko yeh dunya
Mujhe nasheb mei rehne doo ay phuphi amma

YahaaN rahungi toh baba pe khul ke roo lungi
Jo neendh aaegi pehlu mei inke soo lungi
Yeh mere chain hai aur main sukoon huu inka
Mujhe nasheb mei rehne doo ay phuphi amma

Phuphi yeh aapko maaloom hai mere baba
Khayal rakhte the mera har ek pal kitna
Ada karunga main ab farz ek beti ka
Mujhe nasheb mei rehne doo ay phuphi amma

Main apne baap ka zakhmi badan chupa lungi
Kafan nahi hai toh laa kar ke khaakh daalungi
Banungi dhoop mei baba ki laash ka saaya
Mujhe nasheb mei rehne doo ay phuphi amma

Jo aise waqt mei hoti yahaaN behan Sughra
Toh woh bhi choR ke jaati na baap ka laasha
Meri behen ka bhi hota phuphi yehi nauha
Mujhe nasheb mei rehne doo ay phuphi amma

Mere liye na pareshaan hoo chali jaaeN
Kasam hai aapko meri na aap ghabraaeN
YahaaN se jaa ke bhi main rehna paaungi zinda
Mujhe nasheb mei rehne doo ay phuphi amma

YahiN chacha hai mere ,aur yahiN pe sab bhai
YahiN pe hai mere baba, toh kaisi tanhai
YahaaN se jaau main uthkar yeh dil nahi karta
Mujhe nasheb mei rehne doo ay phuphi amma

Na jaane baap ke laashe ne kya kaha Waiz
Phuphi ki goud aai woh ghamzada Waiz
LaboN se haye Surani na phir kabhi nikla
Mujhe nasheb mei rehne doo ay phuphi amma