Evi başına uçan Ağsu sakinləri - Baku TV

Описание: Evi başına uçan Ağsu sakinləri - Baku TV

Ağsu rayonunda baş verən zəlzələdən 2 ilə yaxın vaxt keçməsinə baxmayaraq, hələ də evləri qəzalı vəziyyətdə olan vətəndaşlar var.
Qaynar xəttimizə gələn müraciətlərlə bağlı həmin vətəndaşlarla görüşdük.
Evi qəzalı vəziyyətdə olan zərərçəkənlər Ağsunun Daşdəmirbəyli kəndində yaşayan Hüseynovlar ailəsidir.
Ev sahibi vaxtilə kərpicdən tikilən yaşı 100-ü ötmüş və dörd bir tərəfi dağılmış evi dirəklər vasitəsilə xilas etməyə çalışır.
Evə baxış keçirən aidiyyəti qurumlar evin təmirə ehtiyac olduğu qənaətinə gəlib və akt tərtib edib. Ailə isə bu qərarla razılaşmır.
Məsələ ilə bağlı Ağsu Rayon İcra Hakimiyyətindən bildirilib ki, problemdən xəbərdardırlar. Tövsiyə olunub ki, zərərçəkənlər aidiyyəti üzrə Fövqəladə Hallar Nazirliyinə müraciət etməlidirlər. Əgər imtina edilibsə, səbəblər göstərilərək təkrar müraciət etsinlər.
Fövqəladə Hallar Nazirliyinin mətbuat xidmətindən isə bildirilib ki, evə baxış keçirildikdən sonra bərpa işlərinin həyata keçirilməsi üçün müqavilə bağlansa da, vətəndaş bərpa işlərinin aparılmasından imtina edib.
Qeyd edək ki, ailənin oğlu Nemət Hüseynov Aprel döyüşlərində iştirak edib. Həmçinin Vətən müharibəsində döyüşlərə qatılıb, “Laçının azad olunmasına görə” medalı ilə təltif olunub. Hazırda isə səhhətində olan problemlərə görə müalicə alır.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
  / www.baku.tv  
  / __baku_tv__  
https://baku.tv

Kanalda bütün müəllif hüquqları qorunur.

#BakuTv #Azerbaycan #trend