రోడ్డెక్కిన గ్రీన్‌ఫీల్డ్‌ హైవే భూనిర్వాసిత రైతులు..|| Sagevideos || Sage media

Описание: #greenfieldhighway #sagevideo #centralgoverment

రోడ్డెక్కిన గ్రీన్ ఫీల్డ్ హైవే భూ నిర్వాసిత రైతులు..

గ్రీన్‌ఫీల్డ్‌ హైవేకు సర్వీస్‌ రోడ్లు ప్రొవిజన్‌ కల్పించాలని, గ్రీన్‌ఫీల్డ్‌ హైవే భూనిర్వాసిత రైతుల సమస్యలు పరిష్కరించాలని డిమాండ్‌ చేస్తూ గ్రీన్‌ ఫీల్డ్‌ హైవే భూనిర్వాసిత రైతుల పోరాట కమిట రైతుసంఘం ఆధ్వర్యంలో రేచర్ల వద్ద రైతులు రోడ్డెక్కారు. తమ సమస్యలు పరిష్కరించాలని నినదించారు. ఈ సందర్భంగా రైతులు మాట్లాడుతూ గ్రీన్‌ఫీల్డ్‌ హైవేకు సర్వీస్‌ రోడ్లు ప్రొవిజన్‌ కల్పించకపోవడం దారుణమని విమర్శించారు. రైతులు తమ పొలాలకు వెళ్లే మార్గాలు లేక, పంటలు తెచ్చుకునే అవకాశం లేక అనేక ఇబ్బందులు పడుతున్నారని ఆవేదన వ్యక్తం చేశారు. అనేకచోట్ల అండర్‌ పాస్‌లు తగినంత ఎత్తు, వెడల్పుతో నిర్మించకపోవడంతో గ్రామాల మధ్య రాకపోకలకూ ఇబ్బందులు ఏర్పడ్డాయన్నారు. గ్రీన్‌ఫీల్డ్‌ హైవే వల్ల ప్రతి గ్రామపరిధిలో సమస్యలు ఉన్నాయని, వాటి పరిష్కారానికి చర్యలు చేపట్టాలని డిమాండ్‌ చేశారు. గ్రీన్‌ఫీల్డ్‌ హైవే అథారిటీ, రెవెన్యూ, భూసేకరణ అధికారులు క్షేత్రస్థాయిలో గ్రామాలవారీగా రైతులతో మాట్లాడి సమస్యలు పరిష్కరించాలన్నారు. గ్రీన్‌ఫీల్డ్‌ హైవే భూనిర్వాసిత రైతుల సమస్యల పట్ల కేంద్ర, రాష్ట్ర ప్రభుత్వాలు స్పందించాలన్నారు.రైతు నాయకులు శ్రీ ఆది జగన్మోహన్ రావు, శ్రీ చేకూరి కాదల్ బాబు మాట్లాడుతూ తమ పొలాలకు వెళ్లే మార్గం లేదన్నారు. సర్వీస్‌ రోడ్డు ఏర్పాటు చేస్తామని, ఎటువంటి ఇబ్బందులు లేకుండా చూస్తామని అధికారులు ఇచ్చిన హామీలు అమలు కాలేదన్నారు. భూసేకరణలో రైతులకు అన్యాయం జరిగిందన్నారు. రేచర్ల నుండి లింగగూడెం వరకు ఉన్న అన్ని గ్రామాల పరిధిలో గ్రీన్‌ఫీల్డ్‌ హైవే వల్ల అనేక సమస్యలు ఉన్నాయని, వాటిని పరిష్కరించాలని కోరారు. కార్యక్రమంలో ఆయా గ్రామాల రైతులు కొనకళ్ల రాఘవరావు, ఉప్పల శ్రీనివాసరావు, ఆది జగన్‌, ఆది ధర్మారావు, కెక్కిరాల ఉపేంద్ర, బులుసు సతీష్‌, హరికృష్ణ, చీకటి సర్వేశ్వరరావు, పర్వతనేని మురళీ, పెద్దసంఖ్యలో రైతులు పాల్గొన్నారు.

#sagevideo #letestnews #apgovernment #grenfeeldhiwey #farmaring #youtubevideos #teluguvlogs #apnews

https://www.instagram.com/sage31jly?i...

https://www.facebook.com/share/fUzSs2...

https://x.com/ThullimelliK?t=MLgRjPfD...