منقية فيصل بن ناصر ال شافي اداء فهد بن جري و صالح الزهيري كلمات مسعود بن شيبان الدوسري

Описание: خير البدايات بالقيفان
ازكا التحيات نبديها

ونقول بسم الله الرحمن
مبداء القصيده وتاليها

وين انت يامدور القعدان
النادره عند اهاليها

لاتشري الا مثل هدلان
ترى الطرب والثمن فيها

بوابتك ياقصر دسمان
في نحر هدلان لاقيها

وطافح لحي وافجح السيقان
واسباله الزين كاسيها

واماته اللي كما الغربان
سود وساع مثانيها

سفاين مالها ربان
وحدود فيصل موانيها

ونحورها كنها بيبان
والشلف في وصف اذانيها

شي وراثه من الجدان
وشي من المال شاريها

لامن لقا غالية الاثمان
كيس الدنانير يرخيها

منقية كلبوها زيان
ابل طياب مجانيها

في ضف شيخ نسل شيخان
فعولها فخر اساميها

الشيخ فيصل رفيع الشان
فيصل جنبها وراعيها

يسهج بها ساحة الميدان
وللفوز يعلن تحديها

غلطان يامعانده غلطان
الارقام حطم نواديها

وكسب النواميس له عنوان
وذي عادة مايخليها

ريف الخوي مكرم الضيفان
ومراجله صعب نحصيها

فيصل ولد ناصر كحيلان
من لابة يفتخر فيها

هواجر فالقاء شجعان
ترهب اعداها عزاويها

فالحرب شر على العدوان
وفالمد تنداء يمانيها

امجادهم تقنع العميان
حاضر زمنها وماضيها

كم شيخ قوم نهاره شان
يومه دنا في مغازيها

هواجر من بني قحطان
تلقا النعم عند طاريها

والضلع منشاه من ضلعان
وصم الصخر من يقاويها

اطويق ابن عم خشم العان
وانت تعرف وش معانيها

معهم على افعالم برهان
حجه سندها يباريها


الشاعر مسعود بن شيبان الدوسري