Tv Klan - Fondi i emergjencave për pritat e Shkumbinit

Описание: Pas ndërhyrjes në kushtet e emergjencës që u krijua nga shembja e urës në aksin Librazhd-Përrenjas, qeveria ka gati një plan të dytë, atë për të shfrytëzuar fondin e kushtëzuar të emergjencave civile për bashkitë, për të investuar për pritat lumore përgjatë Shkumbinit.

“Një pjesë e mirë e financimit shkon në këtë drejtim, në mënyrë që të kemi mundësinë të parandalojmë rrëshkitjet apo dëmtimet nga grryerjet lumore në të ardhmen”, tha Ministri i Mbrojtjes, Pirro Vengu.

Në një konferencë për shtyp, Ministri i Mbrojtjes dhe Shefi i Shtabit të Përgjithshëm të Forcave të Armatosura mohuan që të ketë gati një plan të qartë për numrin e forcave shqiptare, që do të bëhen pjesë e Forcës Ndërkombëtare të Stabilizimit, që do të vendoset në Gaza, si pjesë e Bordit të Paqes.

“Aktualisht kemi deklaruar pjesëmarrjen e oficerëve në pjesën e parë të shtabit që do të krijohet. Nuk kemi përcaktuar ende numrin e pjesëmarrësve. Jemi në kontakt me aleatët dhe do të vijojmë me detajet tona”. Hartat që qarkullojnë janë fake dhe ne do të vendosemi nën ombrellën e një vendi të madh aleate”, deklaroi Arben Kingji, Shefi i Shtabit të përgjithshëm të Forcave të Armatosura.

Vengu komenton dhe reagimin e ardhur nga Presidenti serb, Vuçiç, pas nënshkrimit të marrëveshjes trilaterale te bashkëpunimit Shqipëri-Kosovë-Kroaci.

“Është panik i pajustifikuar nga reagimet e institucioneve në Beograd”, tha Vengu.

Ministri i Mbrojtjes lajmëroi se është në finalizim negociata për blerjen e dy avionëve zjarrëfikës, që do të prodhohen enkas por që me shumë gjasë, pranon ai, do të jenë në dispozicion të emergjencave shqiptare në 2027.
SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/