Қызылағаштағы су тасқынынан кейін салынған үйлерге қатысты дау шықты

Описание: БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal  
---------------------------------------------
Теңдессіз жобамызға көз салыңыз:    • Сөздің шыны керек: [журналистік зерттеулер]  
Бишімбаев ісі -    • Бишімбаев ісі  
Су тасқыны бойынша барлық ақпарат -    • Су тасқыны // Төтенше жағдай  
Жұмбақ өлімдер -    • Жұмбақ өлім  

Бүгінгі шығарылымда:
Жетісу облысында Қызылағаштағы су тасқынынан кейін салынған үйлерге қатысты дау шықты. Ауыл тұрғындары бұрынғы әкімді үйдің бірін заңсыз иемденді деп айыптап отыр. Айтуларынша, шенеунік коммуналдық баспананы туысының атына жекешелендіріп алған. Ал 2010 жылғы апаттан кейін салынған қанша баспананы тұрғындар әлі күнге заңдастыра алмай жүр? Олардың мәселесін жауаптылар қалай шешпек? Әріптесім Меруерт Сабыртай біліп келді.
МЕРУЕРТ САБЫРТАЙ, тілші:
– Су тасқынынан кейін ауыл іргесі көтерілгенде мұнда 12 үй артық салынып, мемлекеттік тұрғын үй қорына алынған екен. Соның бірі Смайылхан Жайсанұлы көшесіндегі 6-үй. Ауыл тұрғындары арасындағы даудың басы дәл осы баспанадан басталған.
Бұл үй пайдалануға берілгелі ауылға келген жас мамандар тұрып келген екен. Алайда, 2017 жылы баспана иесіз деп танылып, кейін шенеуніктің туысы жекешелендіріп алған дейді жұрт.
СӘУЛЕ ӘМИТОВА, Қызылағаш ауылдық округінің әкімі:
– Жалған ақпарат беріп, сотты алдап басына аударып алған. Сол үшін біз шулағанбыз. Ол документті қайталап жасап, сол үйге кіргеннен кейін апасының атына аударып алған. Сот шешімі бұзылмаған. Сот шешімі бұзылмаса ертең кетеді. Доверенность уақыты біткеннен кейін ол үй қайтадан басына қалады.
Ауыл тұрғындары шенеуніктің үйді заңсыз алғанына сенімді. Сөздерінше, 2010 жылғы табиғи апатқа дейін оның өзі де, туыстары да Қызылағашта тұрмаған. Мұны қазіргі әкім де растайды.
НҰРЛАН ДОСМАҚОВ, Қызылағаш ауылдық округінің әкімі:
– 2015-2016 жылдар аралығында сол үй Самихов Айдардың тұруына мемлекеттік қызметкер ретінде берілді. Кейін апасы пайда болды. Қандай амалмен өздерінің жекеменшігіне аударғанын білмеймін. Бірақ сот шешімі бар. Қазір сот процесі жүріп жатыр. Самихова сол үйді өзінің жеке меншігіне аудару туралы.
Сондай-ақ, коммуналдық меншікте қалған тағы 11 үйді тұрғындар ұзақ жылдардан бері жекешелендіре алмай келеді. Ал жауапты мамандар баспаналарды аудандық тұрғын үй коммуналдық шаруашылық бөлімінің балансына алмақ. Бірақ одан кейін де жекешелендірудің өзіндік талаптары бар.
МАДИЯР НҰРАХМЕТОВ, Ақсу аудандық тұрғын үй-коммуналдық шаруашылығы бөлімінің басшысы:
– Оның екі жолы бар. Бірінші қайтарымсыз меншігіне беруге болады, ол 1-2 топтағы мүгедек азаматтар, ҰОС ардагерлеріне және оларға теңестірілген азаматтар болса. Екінші нұсқа осы санатқа жатпайтын азаматтар қалдық құнымен есептесіп сатып алады.
Алайда жұрт үйдің тегін берілуін сұрайды.
АҚМАРАЛ ҚАБИМУЛДИНОВА, Қызылағаш ауылының тұрғыны:
Немізбен сатып аламыз. Үйдің ақшасын төлейміз бе, балаларымызға тамақ аламыз ба? Киім бар, тамақ бар дегендей. Оған келіспеймін.
Ал дауға айналған үй жекенің меншігіне өте ме, әлде коммуналдық үй болып қала ма, ол алдағы сот отырысында шешілмек. Еске салсақ, 2010 жылы Қызылағашта бөгет жарылып, ауылды су шайып кеткен болатын. Ресми дерек бойынша табиғи апаттан 45 адам көз жұмып, 600-ден астам баспана қираған.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
WhatApp - https://whatsapp.com/channel/0029VaDm...
TikTok - https://www.tiktok.com/@informburo31?...
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық