منو مثلك " زنجيل " | الشاعر الاديب جابر الكاظمي - ابيات جميلة في حب الامام علي ( عليه السلام ) 🍀
Автор: اضواء ميديا
Загружено: 2025-05-20
Просмотров: 12265
Описание:
موسيقى : @ffmanaschid6136
• كلمات القصيدة :
علي ياعلي ياهو اعلى منك
بس الباريه العشنه اعلى منك
انه ادري يحيدر واعلم انك
امام وبيك انا موثق صلاتي
اصول وبيك عالجاحد صلاتي
زكاتي حجتي صومي صلاتي
الاله بحبك اعمالي قبلهه
يمن جبريل لعتابك قبلهه
الشجاعة البيك ما صارت قبلهه
ولا صارت يبو الحمله بعدها
معاجز يعجز لساني بعدها
بعدها بخير دنيانا بعدها
وبعدها الطيبه ضلت لسه فينه
بكراماتك يحدث لسه فينه
بحور وعيب نخضع للسفينه
على العزه يحيدر علمتنه
بعلامات المفاخر علمتنه
اليودك ع اليضدك علمتنه
فرحت نفرح ونستر كلمة السر
وشكرنه لرب عسرنا كلمة السر
سر الليل عدنا وكلمة السر
علي عالي على كل عالي علينه
علي وبيك على هالعالم علينه
علي وحبك فرض واجب علينه
فرض واجب سنن حبك والاعراف
بعشك غيرك ولا افهم والاعراف
سبأ والطور والكوثر والاعراف
الكهف والقارعه وعم وتبارك
يشهدن والقيم عندك تبارك
جل الي رفع شانك تبارك
الذي بيده الملك صاغك بدرهه
الشمس وجه النبي ووجهك بدرهه
يضيغم احد يافارس بدرهه
الجمل والخندق وخيبر وصفين
ادحرتهه صفوف لا مو صف وصفين
عجز هالعالم وبعزمك وصفين
صفن والدنيا صفنت من صفنته
الجمع بيمن دحرته منصفنته
شكثر ياعلي بحكمك منصف انت
على اهل الضلم فجوه وانت هو
ونسيم الحك نسيمك وانت هو
المصحف هو انت وانت هو
ذكر وبغير اسمك ما رحتله
المحن انهكت كلبك ما رحتله
الحكم هو اجالك ما رحتله
ياكبر من خلافه والرياسه
الضلم مل من صمودك والرياسه
المطامع نأت عنك والرياسه
بسبب لانك علي طاهر اصليك
صلاة العشك انت ودوم اصليك
بمديحي هذا وين اكدر اصليك
يمن ذاتك الباري مادحلهه
وغيرك باب خيبر مادحلهه
علي طود المشاكل مادحلهه
رغم خصمك وطاغوته وجبته
علي حبك فرض واجب وجبته
اجيت احمل هضم وكتي وجبته
طلب عندي ضمرته ما بديته
على غيرك ماي وجهي ما بديته
واريد اختم مديحي ما بديته
علي ياعلي ياهو اعلى منك
بس الباريه العشنه اعلى منك
انه ادري يحيدر واعلم انك
امام وطاعتك واجب عليه
#الإمام_علي #علي_بن_أبي_طالب #مولا_علي #أمير_المؤمنين #علي_خليفة_الله #علي_أسد_الله #علي_وصي_الرسول #جابر_الكاظمي #جابر_الكاظمي_الزهيري #شعر_جابر_الكاظمي #القصيدة_الزهيرية #الزهيريات #قصيدة_في_حب_علي #شعر_ديني #مدح_أهل_البيت #قصيدة_علوية #شعر_في_حب_علي #مدائح_علوية #يوتيوب_شعر #شعر_ديني_علي_اليوتيوب #قصائد_إسلامية #أدب_وشعر #فيديو_شعري #أشعار_في_حب_علي #ليلة_القدر #غدير_خم #ذكرى_استشهاد_الإمام_علي
Повторяем попытку...
Доступные форматы для скачивания:
Скачать видео
-
Информация по загрузке:
