FINANCIAL ASSISTANCE PROGRAM PARA SA OFWS, IMINUNGKAHI SA SENADO; DMW, OWWA ITATALAGANG MAMAHALA

Описание: FINANCIAL ASSISTANCE PROGRAM PARA SA OFWS, IMINUNGKAHI SA SENADO; DMW, OWWA ITATALAGANG MAMAHALA

Inihain sa Senado ang Financial Assistance Program para sa OFWs upang tugunan ang mataas na pre-departure expenses.

Layunin ng panukala na mabigyan ng agarang tulong pinansyal ang mga OFW bago umalis ng bansa.

Ang panukala ay isinulong ni Erwin Tulfo sa pamamagitan ng Senate Bill No. 1696.

Sa ilalim nito, maaaring makahiram ang OFWs ng hanggang P100,000 kung may valid employment contract.

Prayoridad dito ang mga first-time OFWs na sasailalim sa libreng financial literacy seminar.

Saklaw ng loan ang placement fees, medical examination, training, passport, visa, at airfare.

Gayundin, wala itong interes sa loob ng unang taon ng pagbabayad.

Subalit kinakailangang may isang kapamilya na magsisilbing co-borrower ng aplikante.

Para naman sa first-time OFWs, maaaring bayaran ang utang sa loob ng 18 buwan.

Bukod dito, bibigyan sila ng priority access at libreng financial literacy training.

Ayon sa senador, malaki ang ambag ng OFWs sa ekonomiya ngunit nahihirapan silang tustusan ang requirements.

Dahil dito, marami ang napipilitang umutang sa loan sharks na may mataas na interes.

Layunin ng panukala na maiwasan ang pagkalubog sa utang bago pa man makapagtrabaho sa abroad.

Kapag naisabatas, ang Department of Migrant Workers at Overseas Workers Welfare Administration ang mangangasiwa sa programa.

Samantala, binigyang-diin ng pamahalaan ang umiiral na tulong para sa mga nagbalik na OFWs.

Kabilang dito ang HEROES Program ng Small Business Corporation sa ilalim ng DTI.

Nag-aalok ito ng hanggang P100,000 na may 0% interest at one-time service fee.

Mayroon ding OFW-Enterprise Development and Loan Program sa pakikipagtulungan ng Land Bank of the Philippines at Development Bank of the Philippines.

Sa ilalim nito, maaaring makahiram ng P100,000 hanggang P2 milyon na may 7.5 percent interest kada taon.

Bukod dito, patuloy ang Balik Pinas! Balik Hanapbuhay! Program ng OWWA.

Nagbibigay ito ng hanggang P20,000 one-time cash grant para sa maliliit na kabuhayan.

Sa huli, nagbabala ang DMW laban sa mga pekeng lending pages sa social media.

Nilinaw ng ahensya na walang government loan ang nangangailangan ng processing fee o advance payment.

Kaya naman pinapayuhan ang OFWs na makipag-ugnayan lamang sa opisyal na tanggapan ng DMW at OWWA.


#balitangunangsigaw
#tv48station
#nuevaecija
#news