Шарль Перро«Сұлу мен Құбыжық» ертегі

Описание: Баяғы өткен заманда алыс бір өлкедегі зәулім сарайда бір ханзада өмір сүріпті. Төрт құбыласы түгел ештеңеден таршылық көрмепті. Алайда өзі мейірімсіз, өзімшіл, менімен екен. Бір күні қыстың қақаған суығында оның қамалына бір егде әйел келеді де ханзадаға жалғыз раушан гүлін ұсынып есесіне сол қамалда түнеп шығуға рұқсат сұрапты. Егде әйелдің ұсқынсыз түрінен жиіркенген ханзада ұсынған гүліне мұрнын шүйіріп, әйелді қуып шығыпты. Алайда әйел ханзадаға адамның сыртқы келбетіне алданбай ішкі жан дүниесіне үңілу керектігін ескертеді. Ханзада оғанда құлақ аспапты. Сол кезде егде әйел ғайып болып оның орнына ғажайып сұлу қыз пайда болады. Таң тамаша қалған Ханзада одан кешірім сұрамақ болып еді онысы селге кетеді. Ханзаданың жүрегінде мейірім жоқ екеніне көзі жеткен сыйқыршы оны жазалау үшін алып құбыжыққа айналдырып қамал мен оның тұрғындарын қарғыс дуасамын дуалап тастайды. Өзінің ұсқынсыз келбетіне құсаланған ханзада сарайға бір жола қамалады.
Сөйтіп сыртқы әлемді сыйқырлы айнадан ғана көріп тұратын болыпты. Сыйқыршы ұсынған раушан гүлі сыйқырлы болатын. Гүл ханзаданың жасы жиырма бірге толғанға дейін гүлдеп тұруы тиіс екен. Гүлдің соңғы гүлдесі түспей тұрып ханзада бір қызды кезіктіріп екеуі бір-бірін шын жақсы көрсе сыйқырдың күші жойылады. Әйтпесе ханзада мәңгі бақи құбыжық кейіпінде қалады-мыс!
Жылдар жылжып өтіп жатты. Дуаланған ханзада әбден күйзеліп өмірден түңіледі. Ондай құбыжықты кім жақсы көрсін…

Қоюшы режиссері – Е.Бекен
Қоюшы суретшісі – Т.Мамаев
Костюм суретшісі – М.Тоқсанбаева
Хореограф – Ә.Құдайбергенова
Музыкамен көркемдеген – Қ.Ақтаев